पुणे: एस.एम.जोशी सोशलिस्ट फाउंडेशन येथेमहात्मा ज्योतिराव फुले यांच्या स्मृतीदिनी त्यांच्या प्रेरणादायी स्मृतींना अभिवादन करण्यात आले.जतन फाउंडेशनचे अर्चना झेंडे व रवींद्र झेंडे यांच्या हस्ते महात्मा ज्योतिराव फुले यांच्या प्रतिमेस पुष्पहार अर्पण करण्यात आला. या प्रसंगी एस.एम.जोशी सोशलिस्ट फाउंडेशनचे विश्वस्त सचिव साथी सुभाष लोमटे यांनी उपस्थितांशी महात्मा ज्योतिराव फुले यांच्या विचार व कार्याविषयी मांडणी केली. त्यानंतर दिग्दर्शक अमरनाथ सिंग यांच्या "सत्यशोधक समाज" या डॉक्युमेंट्री दाखवण्यात आली. कार्यक्रमाचे सूत्रसंचालन एस.एम.जोशी सोशलिस्ट फाउंडेशनचे सहसचिव उपेंद्र टण्णू यांनी केले.यावेळी फाउंडेशनचे कोषाध्यक्ष आनंद थोरात, दिपा पवार, पुष्पा क्षीरसागर, राहुल भोसले, किरण पाटील, संतोष केंगले उपस्थित होते.या वेळी एस.एम.जोशी सोशलिस्ट फाउंडेशन, धारेश्वर कला व क्रीडा प्रतिष्ठान आणि जतन फाउंडेशन फॉर इंक्लूजन यांच्या संयुक्त विद्यमाने सुरू असलेल्या धारेश्वर कॉलेज ऑफ नर्सिंगच्या व्यक्तिमत्व विकास शिबिरातील विद्यार्थी सहभागी झाले होते.
