पुणे :  आंतरराष्ट्रीय स्कूल ऑफ बिझनेस अ‍ॅन्ड मीडिया (ISB&M), पुणे येथे विद्यार्थी-चालित स्कोप क्लब (सप्लाय चेन आणि ऑपरेशन्स विद्यार्थी प्रतिनिधी मंडळ) यांच्या वतीने संस्थेचे संस्थापक–अध्यक्ष डॉ. प्रमोद कुमार आणि लॉजिस्टिक व सप्लाय चेन ऑपरेशन मॅनेजमेंट विभाग प्रमुख व फॅकल्टी कोऑर्डिनेटर श्री. नविन वर्मा यांच्या मार्गदर्शनाखाली चेन अक्ट 2025  (Chain Act 2025) हे दोन दिवसीय प्रमुख आयोजन 28 व 29 नोव्हेंबर रोजी पार पडले.

स्मार्ट सप्लाय  चेन  (“SMART Supply Chain”) या विषयावर आधारित या कार्यक्रमात जागतिक सप्लाय चेन व ऑपरेशन्स क्षेत्रातील अग्रणी तज्ज्ञ, प्राध्यापक आणि उद्योजक विद्यार्थी एकत्र येऊन तंत्रज्ञान, शाश्वतता, डेटा इंटेलिजन्स आणि मानवी कौशल्य या माध्यमातून सप्लाय चेनच्या भविष्यात होणाऱ्या बदलांवर चर्चा केली. चर्चेदरम्यान सप्लाय चेनची वाढती धोरणात्मक भूमिका, सक्षम व लोचशील बिझनेस इकोसिस्टम घडविण्यातील त्याचे महत्त्व आणि भविष्यातील नेत्यांनी तंत्रज्ञान, सहकार्य आणि चपळता आत्मसात करण्याची गरज अधोरेखित झाली.

डॉ. प्रमोद कुमार यांनी HR क्षेत्रातील बदलत्या भूमिकेवर भाष्य करताना सांगितले की,
“एखाद्या विषयाची निवड करण्यामागील उद्दिष्ट, त्या विषयाचा सखोल अभ्यास, योग्य पाहुण्यांना आमंत्रित करण्यासाठीची धडपड, नियोजन, टीमवर्क आणि अंमलबजावणी—या सर्व प्रक्रियेतून विद्यार्थी आत्मविश्वास, प्रत्यक्ष अनुभव आणि कल्पना वास्तवात उतरवण्याची जिद्द आत्मसात करतात.”

कार्यक्रमाच्या दुसऱ्या दिवशी आयोजित कॉर्पोरेट डिनर (29 नोव्हेंबर, पुणे) मध्ये विद्यार्थ्यां आणि उद्योगातील दिग्गजांमध्ये समृद्ध चर्चा झाली. चेन अक्ट 2025 (Chain Act’25) मध्ये विद्यार्थ्यांच्या सादरीकरणांवर विशेष भर देत कल्पना, विश्लेषण आणि धोरणात्मक विचार मांडण्यासाठी मंच उपलब्ध करून देण्यात आला. तसेच जागतिक सप्लाय चेनमध्ये घडणाऱ्या वास्तव ट्रेंडवर आधारित कार्यशाळाही घेण्यात आल्या ज्यामध्ये विविध उद्योगतज्ज्ञांनी सहभाग घेतला.

स्मार्ट सप्लाय चेन (“SMART Supply Chain”) या विषयाद्वारे तंत्रज्ञान-सक्षम, बुद्धिमान सप्लाय चेनच्या भविष्यातील दिशा अधोरेखित करत हा कार्यक्रम नवकल्पना, शिक्षण आणि उद्योग-अकादमीया यांच्या सहकार्याचा प्रभावी मंच ठरला.

या कार्यक्रमात 350+ उपस्थित, 60 प्रतिनिधी आणि 40+ जागतिक व भारतीय बहुराष्ट्रीय कंपन्यांनी सहभाग नोंदवला. लॉजिस्टिक्स, मॅन्युफॅक्चरिंग, FMCG, कन्सल्टिंग, ऑटोमोटिव्ह आणि तंत्रज्ञान क्षेत्रातील तज्ज्ञ उपस्थित होते. प्रमुख वक्त्यांमध्ये जॉयजीत बोस, CEO & Senior Industry Leader आणि दिव्या सीतापती, डायरेक्टर – ग्लोबल सप्लाय चेन यांनी सप्लाय चेनच्या बुद्धिमान व लोचशील नेटवर्क्सवरील भविष्यातील दृष्टीकोन मांडले.

कायनेटिक ग्रीनचे COO व ऑपरेशन्स डायरेक्टर श्री. सुंदरेश्वरन शिवरामकृष्णन यांनी सांगितले की,
“योग्य वस्तू योग्य किंमतीत, योग्य ठिकाणी आणि योग्य वेळी पोहोचवणे ही सप्लाय चेनची कला आहे. या प्रवासातून विद्यार्थी स्पष्टपणे संवाद साधणारे, उद्दिष्टपूर्ण सहकार्य करणारे आणि बारकाईने अंमलबजावणी करणारे नेतृत्व शिकतात.”

Rentokil Initial चे व्हाइस प्रेसिडेंट (प्रोक्योरमेंट व सप्लाय चेन) श्री. सुबोध नागरसेकर यांनी सांगितले की,
“सप्लाय चेन म्हणजे पुरवठादारांना ग्राहकांशी जोडणारा पूल—कल्पनांना प्रत्यक्ष वस्तूंत रूपांतरित करणारी प्रक्रिया. विद्यार्थ्यांकडे ऊर्जा आणि सिद्धांतज्ञान असते, पण खऱ्या उद्योगाच्या संपर्काने ते कौशल्य विकसित होते.”

Chain Act 2025 मध्ये विविध प्रतिष्ठित कंपन्यांतील तज्ज्ञांनी सहभाग घेतला. यात Rentokil Initial चे सुबोध नागरसेकर, INFOLOB चे संदीप चॅटर्जी, Kinetic Green चे सुंदरेश्वरन शिवरामकृष्णन, Koye Pharma ची अनुश्री गुप्ता, APAR Industries चे वेंकटेश्वर राव, Solar Industries India Ltd. चे अविनाश गुप्ता, Sandeepika Consulting चे संदीप भार्गव, DS Group चे महेश गुप्ता, BVC Logistics ची नितू सिंह, Kimberly-Clark चे सचिन गर्ग यांसह अनेक दिग्गज व्यक्तिमत्त्वांचा समावेश होता.

मीडिया स्पॉन्सर्स : Outlook, CargoConnect
इतर प्रायोजक : All Waters, श्री बालू मांजरे, राकेश रावत, संतलाल पासवान (फर्निचर), अमूल, बालाजी, तृप्ती एंटरप्रायझेस, ओम साई एंटरप्रायझेस, मातोश्री, संध्या एंटरप्रायझेस, भवानी एंटरप्रायझेस, श्री साई डेकोरेटर्स, हलदी कॅटरिंग सर्व्हिसेस, ECRS Cabs, Black Orange, Rtek, RETC, बालाजी मार्बल & टाइल्स, वैष्णवी एअर कूल इत्यादी. यांचे योगदान HR Share 2025 यशस्वी करण्यासाठी महत्वाचे ठरले.

Chain Act 2025 मधील चर्चेमध्ये स्मार्ट, सक्षम आणि भविष्यातील सप्लाय चेन घडवण्यावर भर देण्यात आला. संपूर्ण मूल्यसाखळीतील पुरवठादार सहकार्य, डेटा-आधारित निर्णयप्रक्रिया, मल्टी-मोडल ट्रान्सपोर्ट धोरण, इन्व्हेंटरी ऑप्टिमायझेशन, कररचना सुधारणा आणि तंत्रज्ञानाद्वारे प्रक्रिया उत्कृष्टता या महत्वपूर्ण मुद्द्यांवर तज्ज्ञांनी मार्गदर्शन केले. कार्यप्रदर्शन, सहयोग, नवकल्पना आणि सतत सुधारणा हेच खरे मूल्यनिर्मितीचे घटक असल्याचा निष्कर्ष चर्चेतून समोर आला.

ISB&M ही संस्था आजही जागतिक उद्योगाच्या वेगाने बदलणाऱ्या गरजांसाठी सज्ज नेतृत्व घडवण्याचे कार्य करत आहे. 46+ देशांमध्ये पसरलेल्या 12,000+ माजीविद्यार्थ्यांचे नेटवर्क विविध बहुराष्ट्रीय कंपन्यांमध्ये महत्त्वाची पदे भूषवत आहे. सशक्त अभ्यासक्रम, उद्योगसंलग्न उपक्रम आणि सर्वांगीण शिक्षण पद्धतीमुळे ISB&Mचे विद्यार्थी शैक्षणिकदृष्ट्या सक्षमच नव्हे तर उद्योगसज्ज, नाविन्यपूर्ण आणि वास्तवातील व्यवसायातील आव्हानांना समर्थपणे सामोरे जाणारे ठरतात.Chain Act 2025 सारखी आयोजने अकादमी आणि उद्योग यांच्या सहकार्याचे उत्तम उदाहरण बनून नेतृत्व व संधी यांना एकत्र आणणारे व्यासपीठ तयार करतात.