महाराष्ट्र : महाराष्ट्रातील नगरपरिषद व नगरपंचायत निवडणुकांसाठी आज मतदानाची प्रक्रिया शांततेत पार पाडण्याचा प्रयत्न झाला, मात्र अनेक ठिकाणी तणावाचे प्रसंगही पाहायला मिळाले. 262 अध्यक्षपदांच्या आणि 6,042 सदस्यपदांच्या जागांसाठी सकाळी 7.30 ते संध्याकाळी 5.30 या वेळेत मतदान घेण्यात आले. मतदानाची वेळ संपल्यानंतरही अनेक केंद्रांवर लांबच लांब रांगा दिसल्या.

गरपरिषदा व नगरपंचायतींच्या 262 अध्यक्षपदांच्या आणि 6 हजार 42 सदस्यपदांच्या जागांसाठी आज मतदान प्रक्रिया पार पडली. सकाळी 7.30 वाजता मतदानास सुरुवात झाली. सांयकाळी 5.30 पर्यंत मतदानाची वेळ होती. राज्य निवडणूक आयोगाने 4 नोव्हेंबर 2025 रोजी राज्यातील 246 नगरपरिषदा आणि 42 नगरपंचायतींच्या (एकूण 288) सार्वत्रिक निवडणुकांचा कार्यक्रम जाहीर केला होता. मात्र, निवडणूक निर्णय अधिकाऱ्यांच्या निर्णयाविरुद्ध अपील असलेल्या प्रकरणांचा निर्णय 23 नोव्हेंबर 2025 रोजी किंवा त्यानंतर आल्याने 24 नगरपरिषदा व नगरपंचायतींच्या अध्यक्षपदाच्या आणि सदस्यपदांच्या निवडणुकांसाठी मतदान पार पडले. नगरपालिका-नगरपंचायत मतदानाची वेळ संपली तरी देखील राज्यातील अनेक केंद्रांवर मतदारांच्या लांबच लांब रांगा दिसून आल्या. तर अनेक ठिकाणी राडा झाल्याचे देखील दिसून आले. आता सर्वांचे लक्ष 21 डिसेंबरच्या निकालाकडे लागले आहे. 

राज्य निवडणूक आयोगाने 4 नोव्हेंबर 2025 रोजी 246 नगरपरिषद आणि 42 नगरपंचायतींसाठी निवडणुकीची घोषणा केली होती. निर्णयावर प्रलंबित असलेल्या अपीलांमुळे 24 ठिकाणच्या निवडणुका आज घेण्यात आल्या. आता सर्वांचे लक्ष 21 डिसेंबर रोजी जाहीर होणाऱ्या निकालाकडे लागले आहे.

मुक्ताईनगर : अपक्ष उमेदवारालाच स्वतःचे मत हुकले

मुक्ताईनगरमध्ये एका अनोख्या घटनेने चर्चेला उधाण आले. अपक्ष उमेदवार ज्योती भालेराव मतदान केंद्रावर उशिरा पोहोचल्याने त्यांना स्वतःचे मतही देता आले नाही. त्यांच्यासोबतच त्यांच्या बूथवरील कार्यकर्ताही मतदान करू शकला नाही. काही मतदारांनाही उशीर झाल्याने मतदानाचा हक्क बजावता आला नाही.

महाड :शिवसेना व राष्ट्रवादी समर्थकांमध्ये हाणामारी

महाडच्या नवे नगर परिसरात शिवसेना आणि राष्ट्रवादीच्या समर्थकांमध्ये तुफान हाणामारी झाली. सुशांत जाबरे आणि त्यांच्या अंगरक्षकाला मारहाण झाल्याचे समोर आले. शिवाय, गाड्यांची तोडफोड आणि रिव्हॉल्व्हर दाखवल्याच्या आरोपाने वातावरण आणखी तापले. पोलिसांनी मोठा बंदोबस्त तैनात करून परिस्थिती नियंत्रणात आणली.

मनमाड : भाजप आणि शिंदे गटात सामना

मनमाडमधील नेहरू भवन मतदान केंद्राजवळ बोगस मतदानाच्या आरोपांवरून भाजप आणि शिवसेना (शिंदे गट) समर्थकांमध्ये वाद निर्माण झाला. धक्काबुक्की आणि ढकलाढकलीनंतर पोलिसांनी हस्तक्षेप करून गटांना वेगळे केले.

येवला : अजित पवार गट – शिवसेना यांच्यात तणाव

येवल्यात राष्ट्रवादी (अजित पवार गट) आणि शिवसेना (शिंदे गट) यांच्या समर्थकांमध्ये झालेली बाचाबाची हाणामारीत परिवर्तित झाली. पोलिसांनी त्वरित हस्तक्षेप करत परिस्थिती नियंत्रणात ठेवली.

सटाणा : मतदान केंद्राजवळ घरगुती वादातून राडा

सटाण्यातील जिल्हा परिषद उर्दू शाळा मतदान केंद्राजवळ घरगुती वादातूनच दोन गटांमध्ये राडा झाला. या गोंधळामुळे मतदान केंद्र परिसरात घबराट पसरली. पोलिसांनी मोठा ताफा तैनात करत कायदा-सुव्यवस्था सांभाळली.

त्र्यंबक : उमेदवार प्रतिनिधी आणि पोलिसात बाचाबाची

त्र्यंबकेश्वरमध्ये नूतन विद्यालय मतदान केंद्रावर किरकोळ कारणावरून उमेदवारांच्या प्रतिनिधींची आणि पोलिसांची बाचाबाची झाली. अतिरिक्त कुमक बोलावून परिस्थिती नियंत्रणात आणण्यात आली.

निष्कर्ष

राज्यात अनेक ठिकाणी तणावपूर्ण वातावरण असूनही मतदान प्रक्रिया पूर्ण झाली आहे. आता सर्वांचे लक्ष 21 डिसेंबरच्या निकालांवर.