सिंधुदुर्ग : भाजप नेते नारायण राणे यांना राजकारणातून बाजूला करण्याचा प्रयत्न सुरू असल्याचा आरोप होत असताना, त्यांच्या कुटुंबातील नेते नितेश राणे यांनी या संपूर्ण घडामोडींवर सविस्तर प्रतिक्रिया दिली. दीपक केसरकर यांनी केलेल्या विधानांवर उत्तर देताना राणेंनी अनेक मुद्द्यांना स्पर्श केला.भाजप नेते नारायण राणे यांना संपवण्याचा कट सुरु आहे. राणे साहेब तुम्हाला प्रचारात कुठे दिसतात का?. नारायण राणे यांना युती हवी होती. पण त्यांचा शब्द मानला नाही" असा दावा दीपक केसरकर यांनी केला. यावर पत्रकार परिषदेत विचारलेल्या प्रश्नावर उत्तर देताना भाजप नेते आणि मंत्री नितेश राणे यांनी सविस्तर भाष्य केलं आहे.

नारायण राणे यांची इच्छा होती, जिल्ह्यामध्ये युती व्हावी, रत्नागिरीमध्ये युती झाली पण सिंधुदुर्गमध्ये युती होऊ शकली नाही, विरोधक असेही म्हणत आहेत नारायण राणे यांचा शब्द मानला गेला नाही, यावर उत्तर देताना नितेश राणे यांनी म्हटलं की, नारायण राणे यांची इच्छा होती की शहर विकास आघाडी होऊ नये, कणकवलीत शहर विकास आघाडी होऊ नये, एकनाथ शिंदे यांनी उद्धव ठाकरे यांच्यासोबत जाऊ नये, हे विधान देखील नारायण राणे यांचं होतं, शेवटी नारायण राणे हे एक प्रगल्भ नेते आहेत, त्यांना युती आघाड्या सर्व समजतं, ते राज्याचे मुख्यमंत्री राहिलेले आहेत, त्यांना राज्य कसं चालवायचं, कशा युती, आघाडी होतात, हे सर्व आयुष्यभर अतिशय बारकाईने त्यांनी पाहिलेलं आहे, म्हणून प्रस्ताव आले गेले, टेबलावर नेमकं काय झालं? याची माहिती त्यांना असते, असं नितेश राणे म्हणालेत. 

दीपक केसरकर यांनी केलेल्या, “नारायण राणेंचा शब्द मानला गेला नाही” या दाव्यावर बोलताना नितेश राणे म्हणाले की,“रत्नागिरीत युती झाली, सिंधुदुर्गमध्ये युती झाली नाही, पण नारायण राणे हे अनुभवी नेते आहेत. युती-आघाड्यांचे राजकारण त्यांना उत्तम समजते. कोणते प्रस्ताव आले, गेले… टेबलावर काय चर्चा झाली, याची त्यांना पूर्ण माहिती आहे.”राणे म्हणाले की, नारायण राणे आणि रवींद्र चव्हाण तसेच देवेंद्र फडणवीस यांच्यात अतिशय चांगला संवाद आहे. त्यामुळे गैरसमज निर्माण करण्याचा प्रयत्न केला जात असल्याचाही त्यांनी आरोप केला.

“विकासावर बोलण्यासारखे त्यांच्याकडे काहीच नाही” — नितेश राणे

नगराध्यक्ष पदाबाबत काही नेत्यांनी आरोप करताना चुकीचे चित्र दिल्याचा दावा करत नितेश राणे म्हणाले,“आम्ही काहीही बोललो नाही, कारण विरोधकांकडे विकासावर बोलण्यासारखे काहीच नाही.”सावंतवाडी–वेंगुर्ले भागातील आरोग्य सुविधांवरून राणेंनी केसरकरांवर निशाणा साधला.“2019 पासून मल्टी-स्पेशालिटी हॉस्पिटलची जागा क्लियर आहे. तरीही डॉक्टर का नाही? लोकांना गोव्यात का जावं लागतं? हे उत्तर केसरकरांनी द्यायलंच पाहिजे,” असे त्यांनी स्पष्ट केले.“निलेश राणेंना एकटं पाडलं जातंय” नितेश राणेंनी सर्वात गंभीर आरोप निलेश राणेंबाबत केला.“निलेश राणेंचा बळीचा बकरा केला जातोय. दुसरे कोणतेही नेते त्यांच्याच्या समर्थनार्थ का बोलत नाहीत? शिवसेनेतला एकही नेता पुढे का येत नाही?

उदय सामंत येऊन रवींद्र चव्हाणांवरती का टीका करत नाहीत, निलेश राणे यांच्या समर्थनार्थ त्यांच्यातील एकही नेता का उतरत नाही? तिकडे ते गुलाबराव पाटील राज्यातल्या कुठल्यातरी एका जिल्ह्यातल्या कुठल्यातरी एका शहराच्या नगरपालिकेसाठी नारायण राणेंची कशी खिल्ली उडवत आहे ते दाखवू का व्हिडिओ? मग बाकी कोण का बोलत नाहीत, फक्त निलेश राणेच बोलत आहेत, ना रत्नागिरीचा, ना कोकणातला, ना महाराष्ट्रातला, त्यांना काय पाडला जात आहे, दीपक केसरकर का रवींद्र चव्हाण यांचे नाव घेत नाहीत, या बाबतीमध्ये दोन तारखेनंतर जसं निलेश राणे बोलले आहेत, फडणवीसांसोबत बसून, रवींद्र चव्हाण यांच्यासोबत बसू महायुती मधून यातून काय मार्ग निघतो ते पाहू, असंही पुढे नितेश राणे यांनी म्हटलं आहे.