नांदेड : नांदेड शहरात जातीय वादातून घडलेल्या एका धक्कादायक हत्येनंतर तरुणाची प्रेयसीने अंत्यसंस्कारावेळी केलेली कृती सर्वांना हादरवून टाकणारी ठरली. शहरातील जुन्या गंज भागात गुरुवारी प्रेमप्रकरणातून झालेल्या जातीय वादात तरुण सक्षम ताटे याची मुलीच्या कुटुंबीयांनी निर्घृण हत्या केली. सक्षमवर गोळ्या झाडल्यानंतर फरशीने वार करून त्याला ठार मारण्यात आले. या घटनेने नांदेडमध्ये खळबळ उडाली आहे. सक्षम ताटे या २४ वर्षीय तरुणाचा त्याच्या प्रेयसी आंचल मामीलवाड हिच्या वडील आणि भावाने पाठलाग करून निर्घृण खून केला. मात्र, अंत्यविधीच्या वेळी आंचलने मृत प्रियकराशी विवाहाचे विधी करून सर्वांना खदखदून रडवले.

काय घडले?

नांदेडच्या जुन्या गंज भागात गुरुवारी संध्याकाळी 5.20 च्या सुमारास गजानन मामीलवाड, त्याचा मुलगा साहिल आणि अन्य तिघांनी सक्षम ताटे याला बोलावून घेतले. सक्षमवर प्रथम गोळ्या झाडल्या आणि नंतर फरशी घालून त्याचा क्रूरपणे खून करण्यात आला. सक्षम व आंचल गेल्या तीन वर्षांपासून प्रेमसंबंधात होते, परंतु जातीभेदामुळे आंचलच्या कुटुंबाला हे मान्य नव्हते. सक्षम ताटे  या तरुणाला मुलीचे वडील आणि भावाने पाठलाग करुन ठार मारले होते. सक्षमवर गोळ्या झाडण्यात आल्या होत्या. यानंतर त्याच्या डोक्यात फरशी घालून त्याला निर्घृणपणे संपवण्यात आले होते. सक्षम ताटे  याचे त्याच्या मित्राची बहीण आंचल मामीलवाड हिच्याशी प्रेमसंबंध होते. याची कुणकुण लागल्यानंतर आंचलच्या वडिलांनी सक्षमला आपल्या मुलीपासून दूर राहण्यास सांगितले होते. मात्र, त्यानंतरही या दोघांचे प्रेमप्रकरण सुरु राहिल्याने गुरुवारी संध्याकाळी नांदेड शहरातील जुना गंज भागात आंचलचे वडील आणि भावाने सक्षमची हत्या केली होती. संध्याकाळी 5 वाजून 20 वाजण्याच्या सुमारास सक्षम ताटे याला मुलीच्या वडिलांना बोलावून घेतले होते. याठिकाणी आल्यानंतर गजानन मामीलवाड, साहिल मामीलवाड आणि अन्य तिघांनी मारहाण करुन त्याची हत्या केली.  या घटनेमुळे नांदेडमध्ये एकच खळबळ उडाली होती. 

अंत्यसंस्कारात हृदय पिळवटणारा प्रसंग

सक्षमचा मृतदेह घरी पोहोचताच आंचलचा आक्रोश पाहून उपस्थितांना अश्रू अनावर झाले.अंत्यविधीपूर्वी तिनेअंगाला हळद लावली,सक्षमच्या नावाचे कुंकू कपाळावर भरले,मृतदेहासमोर विवाहाचे विधी केले.सक्षमच्या मृतदेहालाही हळद लावण्यात आली. या घटनेनंतर सक्षम ताटे याच्यावर अंत्यसंस्कार करण्यात आले होते. त्यावेळी त्याची प्रेयसी आंचल मामीलवाड हिने एक अनपेक्षित कृती केली. ती सक्षमच्या अंत्यसंस्कारासाठी त्याच्या घरी गेली होती. तेव्हा तिने सक्षमच्या मृतदेहासमोर लग्नाचे काही विधी केले. तसेच तिने सगळ्यांदेखत कपाळावर सक्षमच्या नावाचे कुंकू लावले. हा प्रसंग पाहून उपस्थितांच्या मनात कालवाकालव झाली. सक्षमचा मृतदेह घरी आणताच तिने टाहो फोडला. अंत्यविधीपूर्वी तिने हळद आणि कुंकू लावून घेतलं शिवाय कपाळावर कुंकू भरले. यावेळी सक्षमला देखील हळद लावण्यात आली. हा प्रसंग पाहून उपस्थितांना अश्रू अनावर झाले होते. हा संपूर्ण प्रसंग पाहून सर्वचजण हेलावले.

“माझे वडील-भाऊ हरले; माझा प्रियकर मरूनही जिंकला”

आंचल म्हणाली,“सक्षम जेलमधून बाहेर आल्यानंतर माझ्या घरच्यांनी त्याला मारण्याचा कट रचला होता. जातीपोटी त्यांनी त्याचा खून केला. पण ते हरले. माझा प्रियकर मरूनही जिंकला. माझ्या वडिलांना आणि भावाला फाशीची शिक्षा झाली पाहिजे.वडील-भाऊ हरले, माझा प्रियकर मरूनही जिंकला.आंचलचा हृदय पिळवटणारा आवाज

पाच जणांना अटक

पोलीसांनी गजानन मामीलवाड, साहील ठाकूर, जयश्री ठाकूर, सोमाश लखे आणि वेदांत या पाच आरोपींना अटक केली आहे.