पुणे : पुण्यात एक धक्कादायक घटना घडली आहे. पुण्यात आज पुन्हा एक आत्महत्येची घटना घडली आहे. MPSC करणाऱ्या विद्यार्थ्यांने आत्महत्या केली आहे. गळफास घेऊन आज सकाळी 8 वाजता आत्महत्या केल्याचे उघड झाले आहे. सागर पवार असं एम पी एस सी करणाऱ्या 26 वर्षीय विद्यार्थ्यांचे नाव आहे.
पुण्यातील नवी पेठ भागात एमपीएससीची तयारी करणाऱ्या 26 वर्षीय सागर पवार या तरुणाने राहत्या पेईंग गेस्ट रूममध्ये गळफास घेऊन आत्महत्या केली. तो तीन-चार वर्षांपासून पुण्यात स्पर्धा परीक्षांची तयारी करत होता आणि अभ्यासाच्या वाढत्या तणावातून त्याने टोकाचे पाऊल उचलल्याचा प्राथमिक अंदाज पोलिसांनी व्यक्त केला आहे. 28 नोव्हेंबरच्या सकाळी मित्रांनी बराच आवाज दिल्यानंतरही प्रतिसाद न मिळाल्याने पोलिसांना कळवले, दरवाजा तोडल्यावर आत मृतदेह आढळला. घटनास्थळी कोणतीही सुसाइड नोट सापडलेली नसून पोलिस पुढील तपास करत आहेत.
खोलीला आतून लॉक लावून केली आत्महत्या
दरम्यान, मिळालेल्या माहितीनुसार, खोलीला आतून लॉक लावून आत्महत्या केली आहे. आज सकाळी त्या खोलीत त्यांचा मृतदेह सापडला आहे. हा तरुण पुण्यात MPSC परीक्षाची तयार करत होता. हा मुळचा बुलढाणा जिल्ह्यातील रहिवासी आहे. एम पी एस सी परीक्षाच्या नैराश्यातून आत्महत्या केला असल्याचा संशय पोलिसाना व्यक्त केला आहे. दरम्यान, या मुलाचे कुटुंबीय आल्यानंतर अधिक माहिती कळेल. दरम्यान, मिळालेल्या माहितीनुसार अजूनही यामध्ये सुसाइड नोट वगैरे काही मिळून आलेलं नाही. विश्रामबाग पोलिस अधिक तपास करत आहेत.
