बारामती : तालुक्यात विविध विकास कामे सुरू असून ही सार्वजनिक विकासकामे गुणवत्तापूर्ण, दर्जेदार, टिकाऊ आणि वेळेत पूर्ण होतील याकडे लक्ष द्यावे, अशा सूचना उपमुख्यमंत्री तथा जिल्ह्याच्या पालकमंत्री सुनेत्रा अजित पवार यांनी पाहणीप्रसंगी उपस्थित अधिकाऱ्यांना दिल्या.यावेळी नगराध्यक्ष सचिन सातव, उपविभागीय अधिकारी उत्तम दिघे, एमआयडीसीचे प्रादेशिक अधिकारी हनुमंत पाटील, उपविभागीय पोलीस अधिकारी चैतन्य कदम, सार्वजनिक बांधकाम विभागाचे कार्यकारी अभियंता अमोल पवार, जलसंपदा विभागाचे कार्यकारी अभियंता दिगंबर डुबल, उपप्रादेशिक परिवहन अधिकारी सुरेंद्र निकम, तहसीलदार स्वप्नील रावडे, गटविकास अधिकारी किशोर माने, मुख्याधिकारी पंकज भुसे आदी उपस्थित होते.उपमुख्यमंत्री श्रीमती पवार यांनी बाबुजी नाईक वाडा येथील विकास कामाची पाहणी करुन समाधान व्यक्त केले.
परिसरातील विहिरीच्या सुरक्षिततेच्यादृष्टीने उपाययोजना कराव्यात. नदीपात्रातील जलपर्णी काढून परिसर स्वच्छ राहील, याबाबत दक्षता घ्यावी, अशा सूचना दिल्या.रुई-जळोची ओढा संरक्षण भिंतीच्या कामकाजाची माहिती घेऊन आपत्तीच्या व्यवस्थापनाच्यादृष्टीने नवीन चार पुलाचे बांधकाम सुरू करावे. उर्वरित संरक्षण भिंतीचे बांधकाम करण्याबाबतचा प्रस्ताव सादर करावा, असेही निर्देश उपमुख्यमंत्री श्रीमती पवार यांनी दिले.
