सामाजिक जगतातील प्रेरणापत्र   मराठी | English  
सामाजिक जगतातील प्रेरणापत्र  मराठी | English  
 ब्रेकिंग न्यूज:
  • MS धोनीची IPL मधून निवृत्ती? चेन्नई सुपर किंग्जने सोपवली नवी जबाबदारी; 2027 पासून मेंटॉरच्या भूमिकेत दिसणार!
  • अजितदादांच्या विमान अपघाताला रोहित पवारांच्या साखर कारखान्याचा धूर कारणीभूत? भाजपच्या नवनाथ बन यांचा गंभीर आरोप
  • अमित शाह यांचा चकाट्या पिटणारा गृहमंत्री असा उल्लेख, मणिपूर, अरुणाचल प्रदेशला जाण्याचं चॅलेंज, उद्धव ठाकरेंचा शाहांवर हल्लाबोल
  • आपण सर्वजण एकाच पिढीतील राजकारणी, प्रत्येकाच्या महत्त्वाकांक्षा असतात, पण त्यासाठी मर्यादा ओलांडायच्या नसतात; सत्यजीत तांबेंनी रोहित पवारांना सुनावलं
 शहर

माणिकबाग येथे उड्डाणपुलाखालील चेंबर खचले; भरधाव वाहनांमुळे अपघाताचा धोका! प्रशासनाने तातडीने दुरुस्ती करण्याची नागरिकांची मागणी

गजानन मेनकुदळे    17-11-2026 13:24:47

पुणे : सिंहगड रोडवरील माणिकबाग परिसरात उड्डाणपुलाखालील रस्त्यावर चेंबर खचल्याने वाहनचालकांसाठी अपघाताचा धोका निर्माण झाला आहे. खडकवासला, धायरी आणि वडगाव परिसरातून स्वारगेटच्या दिशेने जाणाऱ्या मुख्य रस्त्यावर ही धोकादायक परिस्थिती निर्माण झाली आहे.

माणिकबाग येथील उड्डाणपुलाखाली रस्त्याच्या मध्यभागी असलेल्या चेंबरचा भाग खचला असून, त्याठिकाणी सध्या सुरक्षेच्या दृष्टीने लाल रंगाचे बॅरिकेड ठेवण्यात आले आहे. मात्र, हे बॅरिकेड तात्पुरती उपाययोजना असून चेंबरची प्रत्यक्ष दुरुस्ती होणे आवश्यक आहे.

या मार्गावरून दररोज मोठ्या प्रमाणात दुचाकी, चारचाकी तसेच पीएमपीएमएलच्या बसची वाहतूक सुरू असते. विशेष म्हणजे खडकवासला, धायरी आणि वडगावकडून स्वारगेटच्या दिशेने येणाऱ्या वाहनांचा वेग अनेकदा जास्त असतो. त्यामुळे अचानक समोर आलेले बॅरिकेड किंवा खचलेल्या चेंबरचा अंदाज न आल्यास वाहनचालकांचे नियंत्रण सुटून अपघात होण्याची शक्यता नाकारता येत नाही. विशेषतः दुचाकीस्वारांसाठी ही परिस्थिती अधिक धोकादायक ठरू शकते.

सिंहगड रोडवरील हा महत्त्वाचा मार्ग असल्याने या ठिकाणी एखादी गंभीर दुर्घटना घडण्यापूर्वीच संबंधित प्रशासनाने याकडे गांभीर्याने लक्ष देणे गरजेचे आहे. केवळ बॅरिकेड लावून तात्पुरती व्यवस्था करण्याऐवजी खचलेल्या चेंबरची तातडीने पाहणी करून त्याची कायमस्वरूपी दुरुस्ती करावी, अशी मागणी वाहनचालक आणि नागरिकांकडून होत आहे.अपघात घडल्यानंतर उपाययोजना करण्यापेक्षा अपघात होण्यापूर्वीच प्रशासनाने योग्य ती खबरदारी घेऊन चेंबरची तातडीने दुरुस्ती करावी, अशी अपेक्षा व्यक्त होत आहे.

 

 


 Give Feedback



 जाहिराती