बांगलादेश : बांगलादेशमध्ये आज (21 नोव्हेंबर) सकाळी 10 वाजून 8 मिनिटांनी 5.7 रिश्टर स्केलचा भूकंप आला. यामध्ये सहा जणांचा मृत्यू झाला आणि 200 हून अधिक जण जखमी झाले. भूकंपाचे केंद्र ढाक्यापासून फक्त 25 किलोमीटर अंतरावर असलेल्या नरसिंगडी येथील माधाबादीत होते. भूकंपाचा धक्का इतका जोरदार होता की दहा मजली इमारत एका बाजूला झुकली. बांगलादेशमध्ये सुरू असलेला बांगलादेश-आयर्लंड आंतरराष्ट्रीय क्रिकेट सामनाही थांबवण्यात आला. स्थानिक माध्यमांच्या वृत्तानुसार पोलिसांनी आतापर्यंत तीन जणांच्या मृत्यूची पुष्टी केली आहे. बांगलादेशला 1762 मध्ये आलेला सर्वात मोठा भूकंप होता. त्याची तीव्रता रिश्टर स्केलवर 8.5 होती. याला 'ग्रेट अराकान भूकंप' म्हणून ओळखले जाते. त्यामुळे बांगलादेशातही मोठे नुकसान झाले होते. 

भूकंपानंतर कापड कारखान्यात चेंगराचेंगरी

गाझीपूरमधील श्रीपूर येथे भूकंपादरम्यान एक मोठा अपघात झाला. बहुमजली इमारतीतून बाहेर पडण्याचा प्रयत्न करणाऱ्या घाबरलेल्या कामगारांनी चेंगराचेंगरी केली, ज्यामुळे 150 हून अधिक कामगार जखमी झाले. डेनिमेक नावाच्या कापड कारखान्यात ही घटना घडली. जखमींना श्रीपूर उपजिल्हा आरोग्य केंद्रात दाखल करण्यात आले आहे. भूकंप झाल्यानंतर अधिकाऱ्यांनी कारखान्याचे मुख्य गेट उघडण्यास नकार दिल्याची तक्रार कामगारांनी केली आहे, ज्यामुळे घबराट पसरली आणि त्यामुळे अधिक जखमी झाले.

बांगलादेशमध्ये आज सकाळी 10.08 वाजता 5.7 रिश्टर तीव्रतेचा भूकंप झाला. या हादऱ्यांमध्ये किमान 6 जणांचा मृत्यू, तर 200 हून अधिक जण जखमी झाल्याची माहिती अधिकाऱ्यांनी दिली. भूकंपाचे केंद्र ढाक्यापासून अवघ्या 25 किलोमीटरवरील नरसिंगडीच्या माधाबादी परिसरात होते.

10 मजली इमारत एका बाजूला झुकली

जोरदार धक्क्यांमुळे स्थानिक भागातील एक 10 मजली इमारत धोकादायकरीत्या झुकली, ज्यामुळे नागरिकांमध्ये भीतीचे वातावरण निर्माण झाले आहे.

बांगलादेश-आयर्लंड क्रिकेट सामना थांबवला

ढाक्यात सुरू असलेला आंतरराष्ट्रीय बांगलादेश–आयर्लंड क्रिकेट सामना भूकंपाच्या तीव्र धक्क्यांनंतर तत्काळ थांबवण्यात आला. मैदानावर उपस्थित प्रेक्षक आणि खेळाडूंना सुरक्षित स्थळी हलवण्यात आले.

कापड कारखान्यात चेंगराचेंगरी—150 जखमी

गाझीपूरच्या श्रीपूर येथील डेनिमेक कापड कारखान्यात भूकंपाच्या वेळी मोठी चेंगराचेंगरी झाली. इमारतीतून बाहेर पडण्याचा प्रयत्न करताना कर्मचाऱ्यांमध्ये गोंधळ उडाला आणि 150 हून अधिक कामगार जखमी झाले.

कामगारांनी आरोप केला आहे की अधिकाऱ्यांनी मुख्य गेट न उघडल्याने घबराट वाढली.

10 महिन्यांच्या बालिकेचा मृत्यू

नारायणगंजच्या रूपगंज उपजिल्ह्यात भिंत कोसळून 10 महिन्यांच्या मुलीचा मृत्यू झाला. मुलीची आई व शेजारी जखमी असून त्यांच्यावर रुग्णालयात उपचार सुरू आहेत.

कोलकात्यातही धक्के—20 सेकंद कंपन

बांगलादेशमधील भूकंपानंतर  कोलकातामध्येही भूकंपाचे धक्के जाणवले. स्थानिकांच्या मते, हे धक्के सुमारे 20 सेकंदांसाठी होते. रिश्टर स्केलवर त्याची तीव्रता 5.2 होती. कूचबिहार, दक्षिण दिनाजपूर, मालदा आणि नादिया येथील अनेक भागात भूकंपाचे धक्के जाणवले. भूकंपाचे केंद्र बांगलादेश असल्याचे वृत्त आहे.सुदैवाने कोणतेही नुकसान झालेले नाही.