मुंबई: बॉलिवूडचे ज्येष्ठ अभिनेते, ‘ही-मॅन’ म्हणून ओळखले जाणारे सुपरस्टार धर्मेंद्र यांचं आज वयाच्या 89व्या वर्षी निधन झालं. काही दिवसांपासून प्रकृती अस्वस्थ असल्याने त्यांच्यावर मुंबईतील ब्रीच कँडी रुग्णालयात उपचार सुरू होते. तब्बल 12 दिवसांच्या उपचारानंतर त्यांना डिस्चार्ज देण्यात आला होता. पण तब्येत पुन्हा बिघडल्याने अखेर त्यांनी त्यांच्या जुहूतील राहत्या घरी अखेरचा श्वास घेतला. देओल कुटुंबाकडून अधिकृत पुष्टी अद्याप आलेली नसली तरी, मिळालेल्या माहितीनुसार त्यांच्यावर अंत्यसंस्कारही पार पडले आहेत.सहा दशकं भारतीय चित्रपटसृष्टीवर अधिराज्य गाजवणाऱ्या या ‘कोहिनूर’ च्या जाण्यानं बॉलिवूडमध्ये शोककळा पसरली आहे.

ला. गेल्या काही दिवसांपासून प्रकृती अस्वास्थामुळे धर्मेंद्र यांच्यावर मुंबईतील ब्रीच कँडी रुग्णालयात उपचार सुरू होते.  तब्येत खालावल्यामुळे धर्मेंद्र यांना साधारणतः बारा दिवसांसाठी रुग्णालयात दाखल करण्यात आलेलं. त्यानंतर धर्मेंद्र यांना रुग्णालयातून डिस्चार्ज देण्यात आलेला. तेव्हापासून ते घरीच होते. पण, अखेर त्यांच्या जुहूतील राहत्या घरी त्यांनी अखेरचा श्वास घेतला. धर्मेंद्र यांच्या प्रकृती अस्वास्थापासूनच वेगवेगळ्या बातम्या माध्यमांमध्ये पसरत होत्या. अनेक अफवाही पसरलेल्या. अद्याप देओल कुटुंबीयांनी धर्मेंद्र यांच्या मृत्यूबाबत कोणतीही अधिकृत माहिती दिलेली नाही. पण, मिळालेल्या माहितीनुसार, धर्मेंद्र यांच्यावर अंत्यसंस्कारही करण्यात आलेत. तब्बल सहा दशकं सिनेसृष्टीवर राज्य करणारा कोहिनूर हरपल्यानं मोठी पोकळी निर्माण झाली आहे. धर्मेंद्र यांच्या निधनानं अख्खं बॉलिवूड शोकसागरात बुडालं आहे. 

साध्या कुटुंबातून ‘ही-मॅन’ बनलेला प्रवास

धर्मेंद्र यांचा जन्म 8 डिसेंबर 1935 रोजी ब्रिटिश भारतातील पंजाबमधील लुधियाना जिल्ह्यातील नसराली या गावी झाला. आपल्यापैकी अनेकांना ठाऊक नसेल की, त्यांचं खरं नाव केवल कृष्ण देओल होतं. पण, सिनेसृष्टीत त्यांची ओळख धर्मेंद्र अशीच होती. त्यांचा जन्म एका सर्वसामान्य पंजाबी जाट कुटुंबात झालेला. धर्मेंद्र यांचं वडिलोपार्जित गाव लुधियानातील पखोवाल तहसीलमधील रायकोटजवळील डांगो आहे. धर्मेंद्र यांनी त्यांचं सुरुवातीचं आयुष्य सहनेवाल गावात घालवलं आणि लुधियानातील लालटन कलान येथील सरकारी वरिष्ठ माध्यमिक शाळेत शिक्षण घेतलेलं. त्यांचे वडील गावातील शाळेचे मुख्याध्यापक होते.  

प्रकृती नाजूक; ICU ते व्हेंटिलेटर

धर्मेंद्र यांना प्रकृती अचानक बिघडल्यामुळे मुंबईतील ब्रीच कँडी रुग्णालयात दाखल करण्यात आलेलं. त्यानंतर तब्बल 12 दिवस त्यांच्यावर उपचार सुरू होते. सरुवातीला उपचारांना ते प्रतिसाद देत होते. पण, नंतर त्यांची प्रकृती काहीशी नाजूक होती. त्यामुळे त्यांना ICU मधून व्हेंटिलेटरवर शिफ्ट करण्यात आलेलं. त्यानंतर पुन्हा त्यांच्या प्रकृतीत सुधारणा झालेली, धर्मेंद्र उपचारांना प्रतिसाद देत, असल्याची माहिती रुग्णालय प्रशासनानं दिलेली. तसेच, देओल कुटुंबीयांनीही, धर्मेंद्र यांच्या प्रकृतीत सुधारणा होत असल्याची माहिती दिलेली. त्यानंतर धर्मेंद्र यांना रुग्णालयातून डिस्चार्ज देण्यात आलेला. तेव्हापासून ते घरीच होते. अखेर त्यांची प्राणज्योत मालवली. धर्मेंद्र यांना रुग्णालयात दाखल केल्यानंतर बॉलिवूड सलमान खान, शाहरुख खान, गोविंदा, आमिषा पटेल, रितेश देशमुख यांसह अनेक कलाकारांनी रुग्णालयात जाऊन त्यांची भेट घेतली होती. बाहेर पडताना त्यांच्या डोळ्यांतून अश्रू ओघळताना दिसले.

‘विजयता फिल्म्स’ची स्थापना

1981 मध्ये धर्मेंद्र यांनी ‘विजयता फिल्म्स’ हे प्रोडक्शन हाऊस सुरू केलं. याच बॅनरखाली त्यांनी आपल्या मुलांना—सनी देओल आणि बॉबी देओल—बॉलिवूडमध्ये लॉंच केलं. पुढे त्यांच्या नातू करण देओललाही त्यांनी चित्रपटसृष्टीत एंट्री दिली.

गाजलेले चित्रपट आणि अमर अभिनय

धर्मेंद्र यांनी आपल्या सहा दशकांच्या कारकिर्दीत अनेक सुपरहिट चित्रपट दिले.धर्मेंद्र यांनी आपल्या सहा दशकांच्या प्रदीर्घ कारकिर्दीत 'शोले', 'चुपके चुपके', 'सत्यकाम', 'सीता और गीता' यांसारख्या अनेक गाजलेल्या चित्रपटांत काम केलं. जरी त्यांनी जगाला अखेरचा अलविदा म्हटलं असलं, तरीसुद्धा ते आज, उद्या आणि कायम प्रेक्षकांच्या मनावर अधिराज्य गाजवतील.