मुंबई : कोकणातील राजकारणात राणे बंधूंचा संघर्ष चांगलाच पेटला असून, या वादावर आता मुख्यमंत्री देवेंद्र फडणवीस यांनी स्पष्ट प्रतिक्रिया दिली आहे. नगरपरिषद आणि नगरपंचायत निवडणुकांच्या पार्श्वभूमीवर भाजप–शिवसेना वाद पुन्हा उफाळला आहे.त्याला कारण आहे ते कुडाळ-मालवण या विधानसभा मतदारसंघातून शिवसेनेचे आमदार असलेले निलेश राणे यांनी भाजपवर विशेषतः रवींद्र चव्हाण यांचे नाव घेत पैसे वाटपाचे आरोप केले. यानंतर आमचे स्वतःचे व्यवसाय पण असतात. स्वतःच्या व्यवसायासाठी घरात पैसे ठेवले तर त्यात चूक काय?, आमच्या पक्षाची कोणी बदनामी करू नये. प्रत्येकाचे व्यवसाय आहेत. जो नियम आम्हाला लागतो तो नियम सगळ्यांना लागणार हमाम मैं सब नंगे है, असं म्हणत  मंत्री आणि भाजपाचे आमदार नितेश राणे यांनी निलेश राणेंना प्रत्युत्तर दिले. यानंतर कोकणात राणे बंधूंमध्ये सतत संघर्ष होत असताना पाहायला मिळत आहे. राणे बंधूंमधील वादावर आता मुख्यमंत्री देवेंद्र फडणवीस यांनी देखील प्रतिक्रिया दिली आहे. 

फडणवीसांची प्रतिक्रिया – “मी बरोबर असलेल्या बाजूने”

राणे विरुद्ध राणे असे नको, असे सांगत मुख्यमंत्री फडणवीस म्हणाले,मी बरोबर असलेल्याच्या बाजूने आहे. एकनाथ शिंदे यांनी निलेश राणे यांना पाठिंबा दिला असेल, पण मी फक्त योग्य बाजूची साथ देईन. दोघांच्याही बाजूने मी असेनच, असं देवेंद्र फडणवीस म्हणाले. 

नेमकं प्रकरण काय?

मालवण नगरपरिषदमध्ये भाजपकडून पैसे वाटप करण्यात येत असल्याचा आरोप शिवसेनेचे आमदार निलेश राणे यांनी केला. त्यांनी फेसबुक लाईव्ह करत भाजप कार्यकर्त्याच्या घरातील रुपये दाखवले आणि प्रदेशाध्यक्ष रवींद्र चव्हाण यांच्यावर थेट निशाणा साधला.या प्रकरणात कार्यकर्त्याच्या घरी घुसल्याप्रकरणी निलेश राणे यांच्यावर गुन्हा दाखल करण्यात आला आहे.दरम्यान, शिवसेना नेते आणि लोकप्रतिनिधींनी या विषयावर सावध भूमिका घेतल्याने निलेश राणेंना एकटे पाडले जात असल्याचा आरोप त्यांचे बंधू मंत्री नितेश राणे यांनी केला आहे.दरम्यान संपूर्ण प्रकरणांमध्ये शिवसेनेच्या सर्वच नेत्यांनी आणि लोकप्रतिनिधींनी अत्यंत सावध भूमिका घेतली आहे. निलेश राणे यांना या प्रकरणांमध्ये एकटे पाडले जात असल्याचा आरोप त्यांचे धाकटे बंधू, कणकवली विधानसभा मतदारसंघाचे आमदार आणि मंत्री नितेश राणे यांनी शिवसेनेवर केला आहे.

रोहित पवारांची प्रतिक्रिया

राणे कुटुंबातील वादावर राष्ट्रवादीचे रोहित पवार म्हणाले,“राणे कुटुंबातील वाद योग्य नाही. भावकी वाद लावून दूरून मजा घेणाऱ्यांची रणनीती ओळखायला हवी. भाजप अशा पद्धतीने मतभेद वाढवतो. राणे बंधूंनी या जाळ्यात अडकू नये.”भावकी-भावकीत वाद लागल्यानंतर काय होतं, वाद लावणाऱ्यांचा हेतू काय असतो? हे आम्ही अगदी जवळून बघितलंय. राणे बंधूनी कुटुंबात, भावाभावात वाद लावून दुरून मजा घेणाऱ्या भाजपचा खरा चेहरा ओळखून तसंच दुसऱ्याचं महत्व कमी करणं, ही भाजपची रणनीती समजून त्या जाळ्यात न अडकता आणि वाद न वाढवता त्यावर पडदा टाकाला पाहिजे, असं रोहित पवार म्हणाले.