मुंबई: राज्यातील 264 नगरपरिषदा आणि नगरपंचायतींच्या निवडणुकांसाठी काल (२ डिसेंबर) मतदान पार पडले. नगरपरिषदा व नगरपंचायतीच्या 264 अध्यक्षपदांच्या आणि ६,०४२ सदस्यपदांच्या जागांसाठी मतदारांचा कौल मतपेटीत कैद झाला आहे.मुंबई हायकोर्टाच्या नागपूर व औरंगाबाद खंडपीठाने मतमोजणी २१ डिसेंबरला करण्याचे आदेश दिले आहेत. त्यामुळे आज (३ डिसेंबर) होणारी मतमोजणी पुढे ढकलण्यात आली आहे. परिणामी, २१ डिसेंबरला या निवडणुकीचा निकाल कळू शकतो.

एमपीएससी परीक्षा आणि मतमोजणी एकाच दिवशी

नगरपरिषद–नगरपंचायतीच्या मतमोजणी लांबल्यामुळे २१ डिसेंबरला एमपीएससी संयुक्त पूर्व परीक्षा (गट ‘ब’) सुद्धा होणार आहे. जिल्हा पातळीवर परीक्षेची जबाबदारी जिल्हाधिकाऱ्यांवर आणि महसूल विभागावर असेल. मात्र मतमोजणीच्या दिवशी हीच प्रशासनाची यंत्रणा मतमोजणीसाठी व्यस्त राहणार असल्यामुळे प्रशासनावर मोठा ताण येणार आहे.सुरुवातीला ही परीक्षा ९ नोव्हेंबरला होणार होती; पण महाराष्ट्रातील काही भागातील परिस्थितीमुळे ही परीक्षा पुढे ढकलून २१ डिसेंबर राखण्यात आली होती. आता मतमोजणी देखील त्याच दिवशी असल्याने विद्यार्थ्यांमध्ये संभ्रम निर्माण झाला आहे.

दरम्यान, सुरुवातीला ही परीक्षा 9 नोव्हेंबरला होणार होती. मात्र त्यावेळी महाराष्ट्रातील काही भागात परिस्थिती निर्माण झाल्याने ही परीक्षा पुढे ढकलत 21 डिसेंबरला घेण्यात येणार आहे. मात्र आता नगरपरिषद आणि नगरपंचायतीची मतमोजणी लांबल्याने आणि हि मतमोजणी एमपीएससी परीक्षेच्या दिवशीच होणार असल्याने त्याचा अतिरिक्त ताण जिल्हा प्रशासनावर असणार आहे.

निकाल पुढे ढकलल्यामुळे प्रशासनावर होणारे परिणाम

-प्रशासनाला ईव्हीएम सुरक्षित ठेवण्यासाठी चे स्ट्रॉंग रूम आणि मतमोजणी केंद्र 21 नोव्हेंबर पर्यंत राखीव ठेवावे लागतील..

-ही निवडणूक जवळपास 280 ठिकाणांवर होत असल्याने आणि प्रत्येकाची मतमोजणी स्वतंत्र ठिकाणी  वेगवेगळ्या शहरात असल्याने जवळपास 280 पेक्षा जास्त मतमोजणी केंद्र आणि स्ट्रॉंग रूम 21 नोव्हेंबर पर्यंत राखीव ठेवावे लागेल..

-शिवाय सर्व स्ट्रॉंग रूम मध्ये तेवढे दिवस ईव्हीएम सुरक्षित ठेवण्यासाठी चा पोलीस बंदोबस्त ठेवावा लागेल..

-स्ट्रॉंग रूम मध्ये ईव्हीएम असताना निवडणूक निर्णय अधिकारी तसेच निवडणूक प्रक्रियेतील कर्मचाऱ्यांना रोज स्ट्रॉंग रूम मध्ये जाऊन पाहणी करणे आणि स्वाक्षरी करणे बंधनकारक असते.. ती प्रक्रिया रोज 21 नोव्हेंबर पर्यंत पार पाडावी लागेल.

-विधानसभेला साधारणपणे  288 ठिकाणी मतमोजणी असते, जवळपास तेवढेच मतमोजणी ठिकाण नगर परिषद निवडणुकीत आहेत.. मात्र, लक्षात ठेवण्यासारखी बाब म्हणजे विधानसभेची मतमोजणी वोटिंग नंतर लगेच एक किंवा दोन दिवसात होते..

-म्हणजे आज मतमोजणी समोर ढकलली गेली, तर विधानसभा निवडणूक सुमारे तीन आठवडे सांभाळावी एवढी प्रशासन आणि पोलिसांची यंत्रणा कामी लागेल