पुणे : इंडिगो कंपनीने अचाकन आपल्या फ्लाईट रद्द केल्याने देशातील विविध महत्त्वाच्या विमानतळाची अवस्था बस स्टँडसारखी झाली असून प्रवाशांची मोठी गर्दी विमानतळावर पाहायला मिळत आहे. इंडिगाने पत्रक जारी करत प्रवाशांची माफी देखील मागितली आहे. मात्र, अचानक विमानसेवा खंडीत झाल्याने पुणे, मुंबई, कोलकाता, दिल्ली, बंगळुरू येथील प्रवाशांना मनस्ताप सहन करावा लागला असून या विमातळावरुन दुसरीकडे मार्गस्थ होणाऱ्या प्रवाशांची मोठी गैरसोय झाली आहे. त्यातच, पुण्याहून मुंबई, दिल्ली आणि बंगळुरूला जाणाऱ्या विमानांच्या तिकिटांचे दर गगनाला भिडल्याचं पाहायला मिळत आहे. पुणे ते मुंबई विमान प्रवास करण्यासाठी तब्बल 61 हजार रुपये प्रवाशांना मोजावे लागत असल्याचं दिसून येतं. त्यामुळे, प्रवाशांकडून संताप व्यक्त करण्यात आला आहे.  

इंडिगो एरलाईन्स कंपनीच्या ऑपरेशन समस्यांमुळे इतर विमान कंपन्यांनी आपल्या तिकीट दरात अचानक वाढ केली. त्यानुसार, पुणे ते मुंबई विमानाचे तिकीट 61 हजार रुपयांवर पोहोचले आहे. तर, पुणे ते दिल्ली विमानाचे तिकीट 27 हजार आणि पुण्याहून बंगळुरूसाठी 49 हजार रुपये प्रवाशांना मोजावे लागत असल्याचं पाहायला मिळत आहे. दरम्यान, मुंबईहून लंडनला जाण्यासाठी किमान प्रिमियम इकॉनॉमीचे तिकीट 50 हजार ते 70 हजार रुपयांपर्यंत आहेत. तर, मुंबईहून थायलंडसाठी 15 ते 30 हजार रुपयांपर्यंत विमान भाडे आकारले जाते. मात्र, इंडिगोच्या विस्कळीत विमानसेवेमुळे पुणे ते मुंबई विमानाचे तिकीट चक्क 61 हजार रुपयांपर्यंत पोहोचले आहे. 

सलग चौथ्या दिवशी इंडिगो कंपनीला ऑपरेशनल समस्यांशी गंभीरपणे झुंजावे लागत असून प्रवाशांना त्याचा मोठा फटका बसत आहे. विमान उड्डाणाची संख्या कमी झाल्यामुळे इतर विमान कंपन्यांची तिकिटं मात्र चौपट दराने विकली जात आहेत. देशभरातून इंडिगोची तब्बल 600 हून अधिक विमाने आज रद्द करण्यात आली आहेत. त्यामध्ये राजधानी दिल्लीतून आज रात्री 11.59 वाजेपर्यंत इंडिगोचे एकही विमान उड्डाण होणार नाही, असे पत्रच कंपनीने जारी केले आहे. दरम्यान, रद्द होणाऱ्या विमानांची ही संख्या गेल्या दिवसांपेक्षाही जास्त असल्याने प्रवाशांच्या अडचणी आणखी वाढल्या आहेत. त्यामुळे, प्रवाशांकडून संताप व्यक्त केला जात आहे.

इंडिगो एरलाइन्सच्या ऑपरेशनल समस्यांमुळे देशातील विमान वाहतूक व्यवस्था पूर्णपणे विस्कळीत झाली आहे. सलग चौथ्या दिवशी शेकडो फ्लाईट्स रद्द झाल्याने प्रमुख विमानतळांवर प्रवाशांची प्रचंड गर्दी झाली असून पुणे–मुंबई मार्गावरील विमानभाडे तब्बल ₹61,000 वर पोहोचले आहे.

विमानसेवा विस्कळीत; प्रवाशांची मोठी गैरसोय

अचानक फ्लाईट रद्द केल्यामुळे पुणे, मुंबई, दिल्ली, बंगळुरू, कोलकाता विमानतळांवर प्रवाशांना अक्षरशः मनस्ताप सहन करावा लागत आहे. पर्यायी फ्लाईटची उपलब्धता कमी झाल्याने इतर विमान कंपन्यांनी तिकिटदरात मोठी वाढ केली.

तब्बल 4 पट वाढलेले दर

पुणे → मुंबई : ₹61,000

पुणे → दिल्ली : ₹27,000

पुणे → बंगळुरू : ₹49,000

विशेष म्हणजे मुंबई–लंडन प्रीमियम इकॉनॉमी तिकीट साधारण ₹50,000–₹70,000, तर मुंबई–थायलंड तिकीट ₹15,000–₹30,000 मध्ये उपलब्ध असते. मात्र पुणे–मुंबईसाठीच एवढे अवास्तव भाडे आकारले जात असल्याने प्रवाशांनी संताप व्यक्त केला आहे.

देशभरात 600 पेक्षा अधिक फ्लाईट रद्द

इंडिगोने आज (5 डिसेंबर 2025) दिल्ली विमानतळावरील रात्री 11.59 पर्यंतची सर्व देशांतर्गत उड्डाणे रद्द केली आहेत. कंपनीने निवेदन जारी करून प्रवाशांची माफी मागितली आहे. मात्र रद्द होणाऱ्या फ्लाईट्सची संख्या दिवसेंदिवस वाढत असल्याने प्रवाशांच्या अडचणी अधिकच वाढल्या आहेत.