पुणे : पुणे शहर पोलीस यांच्या शिपाई भरती २०२४-२५ प्रक्रियेअंतर्गत महत्त्वाची अपडेट समोर आली आहे. दि. १६ फेब्रुवारी २०२४ ते १२ मार्च २०२४ या कालावधीत अर्ज केलेल्या उमेदवारांची शारीरिक मोजमाप व मैदानी चाचणी पूर्ण करण्यात आली होती.
या मैदानी चाचणीत ५० टक्के किंवा त्यापेक्षा जास्त गुण मिळवलेल्या उमेदवारांमधून एकूण २०,०६९ उमेदवार लेखी परीक्षेसाठी पात्र ठरले आहेत. ही लेखी परीक्षा दि. २२ मार्च २०२४ रोजी सकाळी ११ वाजता शहरातील विविध परीक्षा केंद्रांवर होणार आहे.
उमेदवारांनी परीक्षेला येताना महा-आयटीकडून मिळालेलं मैदानी चाचणी प्रवेशपत्र, लेखी परीक्षेचं प्रवेशपत्र आणि चार पासपोर्ट साईज फोटो सोबत आणणे बंधनकारक आहे. तसेच परीक्षेच्या वेळेच्या तीन तास आधी म्हणजे सकाळी ८ वाजता केंद्रावर उपस्थित राहण्याच्या सूचना देण्यात आल्या आहेत.परीक्षा केंद्रावर पिण्याचे पाणी, रायटिंग पॅड आणि पेन उपलब्ध करून देण्यात येणार असल्याची माहिती अधिकाऱ्यांनी दिली आहे.
