पुणे–भारतातील अग्रगण्य फ्युएल-टेक स्टार्टअप नवगतीने पेट्रोल पंप डीलर्ससाठी ‘एव्हेग प्रो’ हे नवीन डिजिटल प्लॅटफॉर्म लॉन्च केले. या डिजिटल प्लॅटफॉर्मचे लाँच पुण्यात झालेल्या पेट्रोल डीलर्स असोसिएशन पुणे (पीडीएपी) 2026 च्या वार्षिक सर्वसाधारण सभेत (एजीएम) करण्यात आले. या प्लॅटफॉर्ममुळे पेट्रोल पंप व्यवसाय अधिक डिजिटल आणि आधुनिक होण्यास मदत होणार आहे. हे प्लॅटफॉर्म खास भारतीय फ्युएल रिटेल क्षेत्रासाठी तयार करण्यात आले आहे.

एव्हेग प्रो हे पेट्रोलियम डीलर्सना येणाऱ्या अनेक दैनंदिन अडचणी सोडवण्यासाठी तयार करण्यात आले आहे. यामध्ये विक्रीचे हाताने हिशेब जुळवणे, स्टॉकमधील फरक तपासणे, फ्लीट बिलिंग, रोख आणि इतर पेमेंटमधील फरक, रोजच्या तपासणीच्या नोंदी आणि क्रेडिट जोखीम यांचा समावेश आहे. हे सर्व महत्त्वाचे काम एकाच डिजिटल सिस्टीममध्ये करता येतात. त्यामुळे पेट्रोल पंपाचे संपूर्ण कामकाज सोपे आणि अधिक व्यवस्थित होते.

हे प्लॅटफॉर्म इंधन विक्रेत्यांना विक्री, शिफ्ट व्यवस्थापन आणि एसएल5 नॉझलचे हिशेब (रिकन्सिलिएशन) सहजपणे सांभाळण्यास मदत करते. तसेच, यात लाईव्ह इन्व्हेंटरी ट्रॅकिंग, स्टॉकमधील फरक नियंत्रण, डिजिटल फ्लीट करार, एकत्रित बिलिंग, क्रेडिटवर लक्ष ठेवणे, व्हाउचर व्यवस्थापन आणि रिअल-टाइम बॅलन्स शीट पाहण्याची सुविधा उपलब्ध आहे. भारतातील पेट्रोलियम रिटेल व्यवसायातील गुंतागुंत लक्षात घेऊन हे प्लॅटफॉर्म तयार करण्यात आले आहे. यात व्हॅट, जीएसटी, सेस आणि सरचार्ज यांचे व्यवस्थापनही करता येते, त्यामुळे डीलर्सना अचूक आणि ऑडिटसाठी तयार आर्थिक नोंदी ठेवणे सोपे जाते.

या लाँचबद्दल बोलताना नवगतीचे सह-संस्थापक आणि सीईओ वैभव कौशिक म्हणाले, “एव्हेग प्रो हे इंधन विक्रेत्यांच्या रोजच्या कामातील अडचणी सोडवण्यासाठी उपाय तयार करण्याच्या आमच्या सातत्यपूर्ण प्रयत्नांचे प्रतीक आहे. भारतात अजूनही इंधन विक्री व्यवसायात अकाउंटिंग, स्टॉक तपासणी, ताळमेळ (रिकन्सिलिएशन) आणि ग्राहकांच्या क्रेडिट व्यवस्थापनासाठी वेगवेगळ्या आणि हाताने चालणाऱ्या पद्धती वापरल्या जातात. एव्हेग प्रो द्वारे आम्ही ही सर्व कामे एकाच प्लॅटफॉर्मवर आणत आहोत, ज्यामुळे विक्रेत्यांना अधिक स्पष्टता, नियंत्रण आणि कार्यक्षमतेने काम करता येईल.”

नवीन प्लॅटफॉर्मबद्दल बोलताना नवगतीचे सह-संस्थापक आलाप नायर म्हणाले, “एव्हेग प्रो हे भारतातील इंधन विक्री व्यवसायाच्या दैनंदिन कामकाजाच्या गरजा लक्षात घेऊन तयार करण्यात आले आहे. शिफ्टनुसार हिशेब ठेवणे, स्टॉक ट्रॅकिंग, फ्लीटसाठी एकत्रित बिलिंग आणि लाईव्ह आर्थिक अहवाल या सर्व गोष्टी सोप्या करण्यासाठी हे प्लॅटफॉर्म तयार आहे. यामुळे कामातील गुंतागुंत कमी होईल आणि निर्णय घेणे अधिक सोपे होईल. आमचा उद्देश डीलर्सनी हाताने चालणाऱ्या (मॅन्युअल) पद्धती सोडून अधिक स्मार्ट आणि वाढत्या व्यवसायासाठी योग्य अशा पद्धती वापराव्यात हा आहे.”

एव्हेग प्रो हे आधुनिक इंधन विक्रेत्यांसाठी एक संपूर्ण ऑपरेटिंग सिस्टीम म्हणून तयार करण्यात आले आहे. यात अकाउंटिंग, स्टॉक व्यवस्थापन, विक्री, ग्राहक व्यवस्थापन, करार आणि बिलिंग ही सर्व कामे एकाच प्लॅटफॉर्मवर करता येतात. कंपनीने सांगितले की, हे प्लॅटफॉर्म लवकर सुरू करता येते आणि सध्याच्या पेट्रोल पंप सिस्टीम्ससोबत सहज जोडता येते. यात सीसीटीव्ही, डिस्पेंसर मशीन, कॉम्प्रेसर, इंधन साठवण व्यवस्था आणि वाहन ट्रॅकिंग सिस्टीम्स यांचा समावेश आहे. त्यामुळे रिअल-टाइममध्ये सर्व कामांवर लक्ष ठेवणे आणि व्यवस्थापन करणे सोपे होते.