अमरावती : अमरावती येथे घडलेल्या धक्कादायक घटनेने परिसरात संतापाची लाट उसळली आहे. 18 वर्षीय तरुणीवर जंगल परिसरात अत्याचार करण्यात आला असून तिच्यासोबत असलेल्या मित्रालाही निर्दयी मारहाण करण्यात आली. या प्रकरणी पोलिसांनी कारवाई करत पाच आरोपींना अटक केली आहे.
ही घटना 28 मार्च रोजी भानखेडा रोडलगतच्या जंगल भागात घडली. पीडित तरुणी आपल्या मित्रासोबत दुचाकीवरून जात असताना पाच जणांच्या टोळीने त्यांना अडवले. दोघांना धमकावत मारहाण करण्यात आली आणि मित्राकडील रोख रक्कमही जबरदस्तीने काढून घेतली. त्यानंतर आरोपींपैकी एकाने तरुणीवर अत्याचार केला.घटनेनंतर दोघांचीही प्रकृती खालावली होती. पीडितेला तातडीने जिल्हा सामान्य रुग्णालयात दाखल करण्यात आले असून सध्या तिची प्रकृती स्थिर असल्याची माहिती आहे.
दरम्यान, फ्रेजरपुरा पोलीस यांनी तपासाची गती वाढवत संशयितांचा शोध घेतला. ओळख परेडमध्ये पीडितेने पाचही आरोपींना ओळखले. त्यानंतर पोलिसांनी सर्वांना अटक केली असून पुढील चौकशी सुरू आहे. आरोपींची गुन्हेगारी पार्श्वभूमीही समोर येत आहे.या घटनेनंतर नागरिकांकडून आरोपींना कठोर शिक्षा देण्याची मागणी जोर धरत आहे.
