नवी दिल्ली : राज्यसभेत आज १९ नव्याने निवडून आलेल्या सदस्यांनी खासदार म्हणून शपथ घेतली. या शपथविधी सोहळ्याला विविध राज्यांतील प्रतिनिधी उपस्थित होते. राष्ट्रवादी काँग्रेसचे ज्येष्ठ नेते शरद पवार यांनी व्हीलचेअरवरून येत शपथ घेतली, तर ज्योती वाघमारे या सावित्रीबाई फुले यांच्या वेशभूषेत उपस्थित राहिल्याने सर्वांचे लक्ष वेधले.
हा सोहळा राज्यसभा अध्यक्ष सी. पी. राधाकृष्णन यांच्या उपस्थितीत पार पडला. या सोहळ्यावेळी उपसभापती हरिवंश आणि संसदीय कामकाज मंत्री किरेन रिजिजू हेही उपस्थित होते. राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी व्हीलचेअरवरुन शपथ घेतली. ज्योती वाघमारे सावित्रीबाईंच्या वेशात खासदारकीची शपथ घेण्यासाठी पोहोचल्या
नवनिर्वाचित सदस्यांमध्ये महाराष्ट्रातील पाच, तामिळनाडूतील सहा, पश्चिम बंगालमधील पाच आणि ओडिशामधील तीन सदस्यांचा समावेश आहे. महाराष्ट्रात, भाजपच्या माया चिंतामण इवनाते यांनी सर्वप्रथम शपथ घेतली, त्यानंतर व्हीलचेअरवर आलेल्या पवार यांनी शपथ घेतली. रामराव सखाराम वडकुटे (भाजप), ज्योती नागनाथ वाघमारे (अनुसूचित जाती) आणि आठवले (आरपीआय-ए) यांनीही राज्यसभेत महाराष्ट्राचे प्रतिनिधित्व करणारे सदस्य म्हणून शपथ घेतली. ओडिशाकडून मनमोहन सामल (भाजप), समृद्ध मिश्रा (बीजेडी) आणि दिलीप कुमार राय (अपक्ष) यांनी सदस्य म्हणून शपथ घेतली, तर तामिळनाडूचे प्रतिनिधित्व करण्यासाठी कॉन्स्टन्टाईन रविंद्रन (डीएमके), क्रिस्टोफर मणिकम (काँग्रेस), एल. के. सुधीश (डीएमडीके), एम. थंबीदुराई (एआयएडीएमके), तिरुची शिवा (डीएमके) आणि अंबुमणी रामदास (पीएमके) यांनी सदस्य म्हणून शपथ घेतली.
तामिळनाडूमधून विविध पक्षांचे सहा सदस्य, पश्चिम बंगालमधून पाच आणि ओडिशामधून तीन सदस्यांनीही संसदेत प्रवेश केला. बहुतेक सदस्यांनी आपल्या मातृभाषेत शपथ घेण्यास प्राधान्य दिले.या शपथविधी सोहळ्यातील विविधता आणि पारंपरिक वेशभूषेमुळे वातावरण विशेष रंगतदार झाले.
