यवतमाळ : यवतमाळ जिल्ह्यातील पांढरकवडा-घाटंजी मार्गावर साखरा गावाजवळ झालेल्या भीषण अपघातात एकाच कुटुंबावर दु:खाचा डोंगर कोसळला. ट्रक आणि कारमध्ये झालेल्या जोरदार धडकेत साईकिरण गुरगुल्ला आणि त्यांच्या सहा महिन्यांच्या मुलीचा जागीच मृत्यू झाला. तर अनुष्का गुरगुल्ला या गंभीर जखमी असून त्यांच्यावर उपचार सुरू आहेत.
प्राथमिक माहितीनुसार, समोरासमोर झालेल्या या अपघातात कार पूर्णपणे चकनाचूर झाली. हा परिवार आंबेडकर जयंतीनिमित्त साखरा येथे आला होता. कार्यक्रमानंतर ते आदिलाबादकडे परतत असताना हा दुर्दैवी अपघात घडला.या घटनेमुळे परिसरात हळहळ व्यक्त केली जात असून, सणाच्या दिवशीच घडलेल्या या अपघाताने शोककळा पसरली आहे.
