बीड : बीड जिल्ह्यातील केज तालुक्यातील मस्साजोग ग्रामपंचायतच्या सरपंच पदाच्या निवडणुकीत मोठा राजकीय उलटफेर पाहायला मिळाला. दिवंगत सरपंच संतोष देशमुख यांच्या निधनानंतर रिक्त झालेल्या पदासाठी झालेल्या या निवडणुकीत त्यांच्या पत्नी आश्विनी देशमुख यांचा पराभव झाला आहे.या निवडणुकीत स्वरूपानंद देशमुख यांनी आश्विनी देशमुख यांच्यावर मात करत विजय मिळवला. अत्यंत चुरशीच्या लढतीत स्वरूपानंद देशमुख यांनी 92 मतांनी आघाडी घेत सरपंचपद पटकावले.
28 एप्रिल रोजी पार पडलेल्या मतदानात गावातील एकूण 2,084 मतदारांपैकी 1,744 मतदारांनी मतदानाचा हक्क बजावला होता. सुमारे 84 टक्के इतक्या उच्च मतदानामुळे या निवडणुकीकडे सर्वांचे लक्ष लागले होते.आज तहसील कार्यालयात सकाळपासून मतमोजणी सुरू झाली आणि अखेर निकाल जाहीर झाला. या निकालाने गावाच्या राजकारणात नवा कलाटणी मिळाल्याचे मानले जात आहे.
