पुणे : वाढत्या उष्णतेमुळे शहरासर उपनगर भागात पाण्याची मागणी वाढली आहे. अनेक भागात पुरेशा प्रमाणात पाणी पुरवण्यासाठी महापालिकेला मोठी कसरत करावी लागत आहे. मे महिना उजाडताच पालिकेने पाणी कपातीला सुरुवात केली आहे. ही पाणी कपातीची सुरवात पुण्याच्या दक्षिण भागापासून करण्यात आली असून रोटेशन पद्धतीने  पाणीपुरवठा केला जाणार असल्याचे पालिकेच्या पाणीपुरवठा विभागाने जाहिर केले आहे.

त्यामुळे या भागातील नागरिकांना पाण्यासाठी वणवण करण्याची वेळ येणार असल्याचे बोलले जात आहे. तसेच ही एक प्रकारे या भागात पाणी कपात सुरु केल्याची चर्चा आता रंगू लागली आहे.शहरात पाण्याची मागणी 25 टक्के पेक्षा अधिक वाढल्याने हा निर्णय घेण्यात आला आहे. पाण्याच्या मागणी एवढा पुरवठा करणे शक्य नसल्याने महापालिकेकडून अखेर शहरात पाणी कपात सुरू करण्यात आली आहे.

वडगांव जलशुद्धीकरण प्रकल्पातून पाणी पुरवठा होणाऱ्या भागांत आता रोटेशन पद्धतीने पाणी पुरवठा केला जाणार आहे. या भागात पुरेशा दाबाने पाणी येत नसल्याच्या तक्रारी येत असतानाच हा निर्णय घेण्यात आला आहे.  वडगांव जलशुद्धीकरण प्रकल्पातून शहराच्या दक्षिण भागाला पाणी पुरवठा केला जातो. यामध्ये सिंहगड रस्ता भाग, सहकारनगर, धनकवडी, बालाजी नगर, आंबेगाव पठार, दत्तनगर, संतोषनगर, कात्रज, भारती विद्यापीठ परीसर, कोंढवा बुद्रुक या भागाचा यात समावेश आहे.

मोठ्या प्रमाणावर लोकसंख्या असलेल्या या भागात पाणी पुरवठ्याच्या वारंवार तक्रारी येत असतात. या भागात पाणी टंचाई निर्माण झाल्याने आता ५ मेपासून रोटेशन पद्धतीने पाणी पुरवठा केला जाणार आहे. विभागवार पाणी पुरवठा बंद ठेवण्यात येणार आहे, अशी माहीती पालिकेच्या पाणी पुरवठा विभागाचे मुख्य अभियंता नंदकिशोर जगताप यांनी दिली आहे.

जलसंपदा विभागाकडून पालिकेला नुकतेच पाणी जपुन वापरण्याबाबतचे पत्र पाठविले आहे. नुकतेच पालिकेच्या पाणी पुरवठा विभागाने झोन निहाय प्रत्येक अभियंत्यावर पाणी पुरवठ्या नियोजनासंदर्भात जबाबदारी निश्चित केली आहे. एकीकडे हे उपाय करीत असतानाच आता शहराच्या दक्षिण भागात एक प्रकारे अघोषित पाणी कपात सुरु केली आहे.

विभागवार दिवस निहाय पाणी पुरवठा बंद असणारा भाग पुढील प्रमाणे :

सोमवार - बालाजीनगर, श्रीहरी सोसायटी, गुरुदत्त सोसायटी, निवारा सोसायटी, साईकृपा सोसायटी, सर्व्हे न २३, गुलमोहर सोसायटी, पवार हॉस्पिटल परिसर आदी.

, कात्रज : उत्कर्ष सोसायटी, गुजरवस्ती, कात्रज तलावाचा पुर्व भाग ,  साईनगर, शांतीनगर, श्रीकृष्ण कॉलनी आदी

कोंढवा : साईनगर, गजानन महाराजनगर, शांतीनगर सोसायटी, महानंदा सोसायटी, श्रीकृष्ण कॉलनी, सावंत कॉलनी.

मंगळवार - सनसिटी, जुनी धायरी, माणिक बाग, विठ्ठलवाडी आदी. परीसर, 

कात्रज :  राजस साेसायटी, कमला सिटी, स्टॅट बॅंक साेसायटी. 

काेंढवा : कामठे पाटीलनगर, खडी मशिन चाैक, सिंहगड काॅलेज आदी.

बुधवार - वडगांव हिंगणे : वडगाव बुद्रुक, खराेड वस्ती, संताेष हाॅल मागील भाग, आनंदनगर, हिंगणे आदी  

कात्रज : वाघजाईनगर, सम्राट टाॅवर, अंबामाता मंदीर परीसर, माऊलीनगर, बलकवडेनगर. 

काेंढवा : सुखसागरनगर भाग २, शिवशंभाेनगर.

गुरुवार - धनकवडी : धनकवडी गावठाण, राजमुद्रा साेसायटी, दाैलतनगर, चैतन्यनगर, आदर्शनगर, तळजाई पठार, टिळकनगर, सावरकर साेसायटी, आंबेडकर वसाहत, सहकारनगर भाग १. कात्रज : सुखसागर नगर भाग १ महादेवनगर भाग २, निलया साेसायटी. काेंढवा : सावकाशनगर, काकडेवस्ती, गाेकुळनगर.

शुक्रवार - आंबेगाव पठार , कात्रज : आंबेगाव पठार, दत्तनगर भुयारी मार्ग, त्रिमुर्ती चाैक, भारती विहार साेसायटी, भारती विद्यापीठ मागील भाग. कात्रज : वसवडेनगर, जाधवनगर, भारतनगर, दत्तनगर आदी. 

काेंढवा : काेंढवा बुद्रुक गावठाण, वटेश्वर मंदीर, हिल व््ह्यु साेसायटी,मरळ नगर, ठाेसरनगर इ.

शनिवार - कात्रज : आगम मंदीर, संताेषनगर, जांभुळवाडी रस्ता,वंडर सिटी परीसर,साईनगर आदी,

काेंढवा : राजीव गांधी वसाहत,चैत्रबन वसाहत, झांबरे वस्ती, अजमेरा पार्क, शिवशक्ती नगर आदी 

रविवार - कात्रज : महादेवनगर, आनंदनगर, विद्यानगर, महावीरनगर. 

काेंढवा : पिसाेळी राेड, पारगेनगर, आंबेडकरनगर, हगवणेनगर, पुण्यधाम आश्रम राेड.