सामाजिक जगतातील प्रेरणापत्र   मराठी | English  
सामाजिक जगतातील प्रेरणापत्र  मराठी | English  
 ब्रेकिंग न्यूज:
  • मनोज जरांगेचे लाड बंद करा, त्याला उचला आणि अटक करा, गुणरत्न सदावर्तेंची सरकारकडे मोठी मागणी
  • राजकारण चुलीत गेलं, पण दोन समाज झुंजवणे योग्य नाही; गणरायाच्या साक्षीने मुख्यमंत्र्यांची स्पष्ट भूमिका
  • मराठ्यांचं पाणी बंद केल्यास आयुक्तांना सुट्टी नाही; मनोज जरांगेंचा बीएमसी आयुक्तांना थेट इशारा; म्हणाले, त्यांचं नाव फक्त लिहून ठेवा!
  • जरांगेंचं आंदोलन हा राजकीय अजेंडा, लक्ष्मण हाकेंचा आरोप
  • 'हटणार नाही, इथेच उपोषण करून मेलो तरीही...'; आझाद मैदानात पोहोचताच, मनोज जरांगेंच्या 10 मोठ्या गर्जना
 DIGITAL PUNE NEWS

औदुंबर भाऊजी कळसाईतकर यांना राज्यस्तरीय कलारत्न पुरस्काराने सन्मानित

अजिंक्य स्वामी    23-07-2025 10:25:59

कल्याण :  आयुष्याच्या रंगमंचावर हसवत, रडवत, शिकवत आणि प्रत्येकाच्या मनाचा ठाव घेणाऱ्या लोकप्रिय कलाकार औदुंबर भाऊजी कळसाईतकर यांना राज्यस्तरीय कलारत्न पुरस्काराने सन्मानित करण्यात आले आहे. गाडी लोहार समाज उन्नती मंडळ, कल्याण-ठाणे यांच्यावतीने आयोजित समारंभात हा पुरस्कार देण्यात आला.

हा गौरव कल्याणच्या आमदार मा. सुलभाताई गायकवाड यांच्या हस्ते प्रदान करण्यात आला. या वेळी अध्यक्ष ॲड. युवराज जाधव, श्री. दत्ता लोहार, श्री. बाळासाहेब शेलार, श्री. रवींद्र कळसाईत यांच्यासह अनेक मान्यवर आणि कार्यकर्ते उपस्थित होते.

 

औदुंबर भाऊजी हे “खेल पैठणीचा - औदुंबर भाऊजींचा होम मिनिस्टर” या लोकप्रिय कार्यक्रमाचे सर्जक आणि सूत्रसंचालक आहेत. महाराष्ट्रभर त्यांनी आतापर्यंत १५०० पेक्षा जास्त कार्यक्रम सादर करत रसिकांच्या मनात आपले स्थान निर्माण केले आहे. त्यांच्या कार्यक्रमातून हास्य, विचार आणि समाजप्रबोधन यांची त्रिसूत्री साधली जाते.

आई-वडिलांचे आशीर्वाद आणि रसिक मायबापांचे प्रेम यांची जाण ठेवून, औदुंबर भाऊजींनी प्रत्येक घराघरात आनंदाचे क्षण पोहोचवले आहेत. विशेषतः माता-भगिनींच्या चेहऱ्यावर हास्य फुलवणारा हा कलाकार आज महाराष्ट्रातील सर्व वहिनींचा लाडका बनला आहे.कलारत्न पुरस्काराने त्यांच्या या अविरत मेहनतीची, सामाजिक जाणीवेची आणि सांस्कृतिक योगदानाची दखल घेतली गेली असून, त्यांच्या पुढील वाटचालीसाठी हा एक प्रेरणादायी टप्पा ठरला आहे.


 Give Feedback



 जाहिराती