पुणे : पोलिस उपनिरीक्षक पदाच्या परीक्षेत मुलींमध्ये प्रथम क्रमांक पटकावणाऱ्या अश्विनीची मृत्यूशी झुंज अखेर अपयशी ठरली. खेड तालुक्यातील पाळू येथील शेतकरी कुटुंबातील बाबुराव केदारी (वय ३०) हिच्यासोबत २८ ऑगस्ट रोजी मोठी दुर्घटना घडली. बाथरूममध्ये हिटरचा धक्का बसून उकळते पाणी अंगावर सांडले. या अपघातात अश्विनी तब्बल ८० टक्के भाजली होती. तत्काळ तिला पिंपरी-चिंचवड येथील डी. वाय. पाटील रुग्णालयात दाखल करण्यात आले होते. अखेर उपचारादरम्यान तिचे निधन झाले.
महाराष्ट्र लोकसेवा आयोगाच्या 2023 च्या पीएसआय परीक्षेत मुलींत राज्यात प्रथम आलेल्या अश्विनी केदारी (पाळू, पुणे) यांचे पिंपरी-चिंचवड येथील डी. वाय. पाटील रुग्णालयात निधन झाले. त्यांनी तब्बल 11 दिवस मृत्यूशी झुंज दिली. 28 ऑगस्ट रोजी पहाटे अभ्यास करत असताना त्यांनी आंघोळीकरिता ठेवलेल्या पाण्यात हिटरमधून शॉक लागून गरम पाणी अंगावर पडले, यात त्या 80 टक्के भाजल्या होत्या. त्यांना तातडीने रुग्णालयात दाखल करण्यात आले. उपचाराचा खर्च देखील त्यांच्या सहकाऱ्यांनी उचलला होता. मात्र अखेर गणेश विसर्जनाच्या दिवशी त्यांनी अखेरचा श्वास घेतला. त्यांच्या निधनामुळे स्पर्धा परीक्षा देणाऱ्या विद्यार्थ्यांमध्ये शोककळा पसरली आहे.
.JPG)
