पुणे : इंदापूर तालुक्यात धक्कादायक घटना घडली आहे. मदनवाडी गावाच्या हद्दीत पुलाखालील पाण्यात एका गर्भवती महिलेचा मृतदेह कुजलेल्या अवस्थेत आढळला आहे. त्यामुळे परिसरात एकच खळबळ उडाली आहे. मृत महिलेचे वय अंदाजे २५ ते ३० असल्याचा अंदाज वर्तवण्यात येत असून महिलेची ओळख अद्याप पटलेली नाही. मात्र, महिलेच्या डाव्या हातावर रविराज नावाचा टॅटू आढळल्याने तिचा खून कोणी आणि का केला याचा तपास भिगवण पोलिस करत आहेत.

इंदापूर तालुक्यातील मदनवाडी गावाजवळ पुलाखालील पाण्यात एका महिलेचा कुजलेला मृतदेह सापडल्याने परिसरात खळबळ उडाली आहे. चादरीत गुंडाळलेल्या अवस्थेत सापडलेल्या या मृतदेहामुळे खुनाचा गंभीर संशय व्यक्त होत आहे. भिगवण पोलिसांनी घटनास्थळी धाव घेऊन पंचनामा केला असून, मृतदेह ताब्यात घेतला आहे. या प्रकरणी पुढील तपास पोलीस करत आहेत

गर्भवती महिलेची कुजलेली बॉडी सापडली, डाव्या हातावर रविराज टॅटू

पुणे जिल्ह्यातील इंदापूर तालुक्यातील मदनवाडी गावाच्या हद्दीत पुलाखालील पाण्यात एका गरोदर महिलेचा कुजलेला मृतदेह आढळून आला. यामुळे संपूर्ण परिसरात भीती आणि खळबळ उडाली आहे. चादरीत गुंडाळलेल्या अवस्थेत सापडलेला हा मृतदेह पाहून स्थानिक नागरिक थरारून गेले. मृत महिला अंदाजे 25 ते 30 वर्षांची आहे. तिच्या डाव्या हातावर "रविराज" असा टॅटू आढळून आला आहे. आणखी एक धक्कादायक बाब म्हणजे, ती सहा ते सात महिन्यांची गरोदर असल्याची माहिती समोर आली आहे.

मिळालेल्या माहितीनुसार ही महिला सहा ते सात महिन्यांची गरदोर असल्याचे समजते. हा प्रकार बारामती भिगवण राज्य मार्गावरील मदनवाडी पुलाखाली उघडकीस आला. घटनेची माहिती मिळताच भिगवण पोलिसांनी तातडीने घटनास्थळी धाव घेतली आणि पंचनामा करून मृतदेह ताब्यात घेतला. या दरम्यान परिसरातील नागरिकांची मोठी गर्दी जमली होती. तपासात असे दिसून आले की, मृतदेहाला सुमारे पाच ते सहा दिवस झाले असावेत. मृतदेह पूर्णपणे कुजलेल्या अवस्थेत असल्यामुळे ओळख पटवण्यात पोलिसांना अडचणी येत आहेत.

प्राथमिक अंदाजानुसार, हा खुनाचा प्रकार असल्याचे पोलिसांनी सांगितले आहे. तिचा खून करून मृतदेह येथे आणून टाकण्यात आल्याचा संशय पोलिसांकडून व्यक्त करण्यात आला आहे. आसपासच्या परिसरातील सीसीटीव्ही फुटेज, हरवलेल्या महिलांच्या तक्रारी आणि मोबाईल लोकेशन यांची तपासणी सुरू आहे. या महिलेची ओळख पटवणे हे सध्या पोलिसांसाठी सर्वात मोठे आव्हान ठरले आहे. ओळख पटल्यानंतर या खुनामागील कारणांचा आणि आरोपींचा शोध घेणे सुलभ होईल, अशी माहिती तपास अधिकार्‍यांनी दिली आहे.