पुणे : अनैतिक मानवी वाहतूक व व्यापार प्रतिबंधक कक्ष (AHTU), गुन्हे शाखा पुणे शहर यांनी मोठी कारवाई करत ऑनलाईन माध्यमातून सुरू असलेल्या अवैध रॅकेटचा पर्दाफाश केला आहे. या कारवाईत ४ पीडितांची सुटका करण्यात आली असून ९ आरोपींना अटक करण्यात आली आहे.
दिनांक 11/05/2026 रोजी मिळालेल्या गोपनीय माहितीनुसार पुणे शहरातील एका ठिकाणी “डार्क लॉजिक अँड बॉण्डिंग” नावाने ऑनलाईन माध्यमातून अवैध प्रकार सुरू असल्याचे उघड झाले. या रॅकेटमध्ये सोशल मीडिया, मोबाईल अॅप्स आणि इतर डिजिटल प्लॅटफॉर्मचा वापर करून गैरकायदेशीर व्यवहार चालवले जात असल्याचे तपासात समोर आले.
गुन्हे शाखेच्या पथकाने तात्काळ छापा टाकत कारवाई केली असता ४ पीडित महिलांची सुटका करण्यात आली. तसेच घटनास्थळावरून महत्त्वाचे पुरावे जप्त करण्यात आले असून ९ आरोपींना ताब्यात घेण्यात आले आहे. यामध्ये मोबाईल फोन व इतर डिजिटल उपकरणांचाही समावेश आहे.या प्रकरणाचा पुढील तपास गुन्हे शाखेकडून सुरू असून रॅकेटचे इतर धागेदोरे तपासले जात आहेत, अशी माहिती पोलिसांनी दिली आहे.
