पुणे : उद्योजकांनी एकमेकांना मदत करून आपला उद्योग-व्यवसाय वाढवावा यासाठी स्थापन झालेल्या जीबीएन- ग्रो बिझनेस नेटवर्क संस्थेची परस्परांशी महासंपर्क व्हावा यासाठी आयोजित “आभा” ही महासंपर्क परिषद संपन्न झाली. हॉटेल क्लार्क इन येथे संपन्न झालेल्या या कार्यक्रमात सुमारे १३८ उद्योजकांनी सहभाग घेतला. या कार्यक्रम प्रसंगी जीबीएनचे संस्थापक विक्रांत गोखले, रिजनल हेड पुणे व पीसीएमसी गौरी जोशी, झोनल हेड नागेश जोशी, संजय महाजन, व उमेश मुळे,डेप्युटी रिजनल हेड अमेय इंगळे, कोल्हापूर डेप्युटी रिजनल हेड नयन सोळंकुरे व कोअर कमिटी टिम आदी मान्यवर उपस्थित होते. या प्रसंगी बोलतांना विक्रांत गोखले यांनी “या कार्यक्रमात उद्घाटन – पाहुणे भाषणे या ऐवजी फक्त १ टू १ म्हणजे एकमेकाशी संपर्क करण्यात आला. सर्वाची एकमेकांच्या उद्योग व्यवसायाविषयी सखोल माहितीची देवाण घेवाण झाली, महत्वाचे म्हणजे प्रत्येक उद्योजकाला १०० हून अधिक उद्योजकांशी प्रत्यक्ष बोलता आले व माहितीची देवाणघेवाण करण्यात आली हे अतिचय दुर्मिळ काम झाले. यामुळे उद्योग व्यवसाय वाढीस चालना मिळेल” असे सांगितले.
