उरण : उरण नगरपरिषद निवडणुक निकालाच्या अनुषंगाने दिनांक २१/१२/२०२५ रोजी मतमोजणी होणार असल्याने दिनांक १९ डिसेंबर २०२५ रोजी सायंकाळी ५ ते ५:३० वा.चे दरम्यान उरण शहरामध्ये रूट मार्च वरिष्ठांच्या मार्गदर्शनाखाली काढण्यात आले.सदर रूट मार्च उरण एसटी स्टँड चार फाटा, येथून सूरू होऊन पालवी हॉस्पिटल, कामठा रोड, एन आय हायस्कूल समोरून स्वामी विवेकानंद चौक, गणपती चौक, राजपाल नाका मार्गाने उरण कोटनाका येथे समाप्त करण्यात आला. सदर रूट मार्चमध्ये उरण पोलीस ठाणे कडील पोनि (प्रशासन) संजय जोशी, ०२ सपोनि/ पोउपनिरी, २० पोलीस अंमलदार तसेच पोलीस मुख्यालय येथील क्यूआरटी पथकाचे १ अधिकारी १२ पोलीस अंमलदार व आरसीपी पथकाचे ०१ अधिकारी व २५ पोलीस अंमलदार यांनी सहभाग घेतला होता.उरण शहरात कोणतेही अनुचित प्रकार होऊ नये, कायदा व सुव्यवस्था बिघडू नये यासाठी कडक पोलीस बंदोबस्त ठेवण्यात आल्याची माहिती उरण पोलीस ठाण्याचे वरिष्ठ पोलीस निरीक्षक हनिफ मुलाणी यांनी दिली आहे.
