उमरगा : शांतीदूत परिवारातर्फे उमरगा नगरपरिषदेचे लोकप्रिय नवनिर्वाचित नगराध्यक्ष किरणभैया गायकवाड यांचा सत्कार समारंभ उत्साहात पार पडला. त्यांच्या सामाजिक बांधिलकीच्या संकल्पनेला अनुसरून प्रा. जीवन जाधव (अध्यक्ष, शांतीदूत परिवार मराठवाडा) यांच्या हस्ते वह्या, पेन व पुस्तके भेट देऊन त्यांचा सत्कार करण्यात आला.
यावेळी शांतीदूत श्याम पाटील यांनी शांतीदूत परिवाराची स्मरणिका सप्रेम भेट दिली. तसेच डॉ. योगिता जाधव-कराळे यांच्या हस्ते श्रीकृष्ण मूर्ती, तर सौ. विद्याताई जाधव (संस्थापक अध्यक्षा, शांतीदूत परिवार) आणि डॉ. विठ्ठल जाधव (आयपीएस, विशेष पोलिस महानिरीक्षक, महाराष्ट्र राज्य – सेवानिवृत्त) यांच्या हस्ते शाल व रोप देऊन नगराध्यक्ष किरणभैया गायकवाड यांचा गौरव करण्यात आला.
शांतीदूत परिवारातर्फे नवनिर्वाचित नगराध्यक्षांचे हार्दिक अभिनंदन करण्यात आले असून त्यांच्या पुढील प्रदीर्घ, यशस्वी व लोकाभिमुख कारकिर्दीसाठी मनःपूर्वक शुभेच्छा देण्यात आल्या.या प्रसंगी शांतीदूत पत्रकार लक्ष्मण पवार, नसीरुद्दीन फकीर, पेंटर संतोष चव्हाण, युवा नेते योगेश तपासाळे (सांगवे), संतोष मोहिते पाटील, अनेक बाल शांतीदूत तसेच स्थानिक कार्यकर्ते मोठ्या संख्येने उपस्थित होते.
