पुणे : पुणे जिल्हा शिक्षण मंडळाच्या अण्णासाहेब मगर महाविद्यालयात राजमाता जिजाऊ व स्वामी विवेकानंद यांच्या जयंतीनिमित्त महाविद्यालयाचे प्राचार्य व सावित्रीबाई फुले पुणे विद्यापीठाचे व्यवस्थापन परिषद सदस्य डॉ. नितीन घोरपडे व पोलीस उपनिरीक्षक उदय काळेभोर यांच्या हस्ते राजमाता जिजाऊ व स्वामी विवेकानंद यांच्याप्रतिमेला पुष्पहार अर्पण करून अभिवादन करण्यात आले.
या प्रसंगी पोलीस उपनिरीक्षक उदय काळेभोर यांनी राजमाता जिजाऊ यांनी छत्रपती शिवाजी महाराज यांना घडविले यमुळे आज आपण आहोत. आजच्या सारख्या दळणवळणाच्या सुविधा नसताना दिल्लीपर्यंत मराठेशाहीचे आटकेपार झेंडे लावण्याचे काम छत्रपतींनी केले. असे सांगितले.
महाविद्यालयाचे प्राचार्य व सावित्रीबाई फुले पुणे विद्यापीठाचे व्यवस्थापन परिषद सदस्य डॉ. नितीन घोरपडे स्वामी विवेकानंद यांची जयंती राष्ट्रीय युवा दिन म्हणून साजरी करण्यात येते. स्वामी विवेकानंद यांनी भारत भ्रमण केले ते युवकांसाठी प्रेरणादायी आहेत. असे सांगितले.
या प्रसंगी महाविद्यालयाचे प्रा. अनिल जगताप, डॉ. दत्तात्रय टिळेकर, डॉ. अनिल लोंढे , डॉ. अशोक ससाणे, डॉ. गणेश गांधीले, डॉ. अजय कवाडे, डॉ. दत्तात्रय संकपाळ आदी उपस्थित होते.कार्यक्रमाचे सूत्रसंचालन डॉ. सविता कुलकर्णी यांनी केले तर आभार डॉ. दत्तात्रय संकपाळ यांनी मानले.याचबरोबर राष्ट्रीय सेवा योजना विभागाच्या वतीने स्वामी विवेकानंद यांच्या जयंतीनिमित्त स्वामी विवेकानंद यांच्यावरील 'शोध स्वामी विवेकानंदांचा' या डॉ. दत्तप्रसाद दाभोळकर यांच्या पुस्तकाचं सामूहिक वाचन करण्यात आले. यावेळी डॉ. सविता कुलकर्णी, डॉ. गणेश गांधिले, प्रा. शितल गायकवाड व शिक्षक उपस्थित होते. विद्यार्थ्यांनी वाचन केल्यानंतर त्यावर विद्यार्थ्यांनी चर्चा केली.
