मुंबई : अवघ्या महाराष्ट्राला हादरवून टाकणाऱ्या विमान दुर्घटनेत उपमुख्यमंत्री अजित पवार यांच्यासह विमानातील सर्वच प्रवाशांचा मृत्यू झाला. बारामतीमध्ये लँडींग करताना विमानाने हवेत गिरट्या घेतल्या अन् क्षणार्धात ते खाली कोसळले. येथील एका शेतात कोसळताच विमानाचा मोठा स्फोट झाला अन् उपमुख्यमंत्री अजित पवार, पायलट कॅप्टन सुमित कपूर, शांभवी पाठक यांच्यासह सर्वच 5 जणांचा आगीत होरपळून मृत्यू झाला. विशेष म्हणजे सुमित कपूर यांना विमान प्रवासाचा मोठा अनुभव होता, तर शांभवीलाही 1500 तासांच्या फ्लाईट सेवेचा अनुभव होता. मात्र, दोघांच्याही अनुभवावर काळाने घाला घातला अन् काळा दिवस अवघ्या महाराष्ट्राच्या नशिबी आला.  आज महाराष्ट्राच्या बारामतीमध्ये उपमुख्यमंत्री अजित पवार यांच्या विमानाचा धक्कादायक अपघात झाला. लँडींग करत असताना विमान हवेत घसरले आणि शेतात कोसळून मोठा स्फोट झाला. या अपघातात अजित पवार, कॅप्टन सुमित कपूर, कॅप्टन शांभवी पाठक आणि विमानातील आणखी दोन प्रवाशांचा मृत्यू झाला.

कॅप्टन सुमित कपूर हे विमानाचे मुख्य पायलट होते, तर शांभवी पाठक सह-पायलट म्हणून तिकडे होत्या. शांभवी पाठक यांना 1500 तासांचा फ्लाईट अनुभव होता. त्यांचे शिक्षण मुंबई विद्यापीठातून एरोनॉटिक्स, एव्हिएशन, एयरोस्पेस साइंस आणि टेक्नोलॉजी मध्ये बीएससी केले होते. त्यापूर्वी त्यांनी न्यूझीलंड इंटरनॅशनल कमर्शियल पायलट अकॅडमीतून सर्टिफिकेट कोर्स पूर्ण केला होता.

शांभवी पाठक 2022 पासून VSR Venture प्रायव्हेट लिमिटेड या कंपनीत फर्स्ट ऑफिसर पदावर कार्यरत होत्या. त्यांना एव्हिएशन सेक्युरिटी परवाना मार्च 2022 मध्ये मिळाला होता आणि A-320 विमानाचे ट्रेनिंग फेब्रुवारी 2022 मध्ये पूर्ण झाले होते.कॅप्टन सुमित कपूर यांचा विमानसेवेतील अनुभव 16,000 तासांचा असून त्यांनी सहारा जे एअरवेज आणि जेट लाईट्स या कंपनींसोबत काम केले आहे.

विमानात असलेले सर्व प्रवासी:

अजित पवार – उपमुख्यमंत्री

विदीप जाधव – सुरक्षा रक्षक

पिंकी माळी – क्रू मेंबर

कॅप्टन सुमित कपूर – पायलट

कॅप्टन शांभवी पाठक – सह-पायलट

या धक्कादायक अपघाताने संपूर्ण महाराष्ट्र हादरले आहे.