पुणे: यूएईमधील एकात्मिक व विशेष आर्थिक क्षेत्रांचा सर्वात मोठा ऑपरेटर आणि एडी पोर्ट्स ग्रुपचा भाग असलेल्या अबू धाबी येथील खलिफा इकॉनॉमिक झोन्स – केझाड ग्रुपने पुणे इंटरनॅशनल बिझनेस समिट (पीआयबीएस) 2026 मध्ये प्लॅटिनम प्रायोजक म्हणून ठळक उपस्थिती नोंदवली. या निमित्ताने भारत आणि यूएईमधील व्यावसायिक संबंध तसेच आर्थिक सहकार्य अधिक मजबूत करण्याची आपली बांधिलकी केझाड ग्रुपने पुन्हा एकदा व्यक्त केली.

पीआयबीएस 2026 मधील सहभागातून केझाड ग्रुपने हे स्पष्ट केले की, जागतिक दर्जाच्या पायाभूत सुविधा, विविध वाहतूक सुविधा, गुंतवणूकदारांसाठी अनुकूल नियम आणि जागतिक बाजारपेठांच्या जवळीक असलेली त्यांची एकात्मिक औद्योगिक व लॉजिस्टिक क्षेत्रे भारतीय उद्योगांना वेगाने आणि कार्यक्षम पद्धतीने आंतरराष्ट्रीय स्तरावर विस्तार करण्यास मदत करतात.

पीआयबीएस च्या 7व्या आवृत्तीत 20 हून अधिक देशांतील प्रतिनिधी, 60 पेक्षा जास्त आंतरराष्ट्रीय प्रतिनिधी व धोरणकर्ते तसेच जागतिक व्यापाराचे भविष्य घडवणारे आघाडीचे उद्योगतज्ज्ञ आणि विचार नेतृत्वातील प्रमुख व्यक्ती सहभागी झाले आहेत. ही परिषद देशांमधील सहकार्य, गुंतवणुकीवरील चर्चा आणि महत्त्वाच्या  धोरणात्मक भागीदारीसाठी एक प्रभावी व्यासपीठ ठरते. या वर्षीच्या समिटमध्ये अन्न-पेय (फूड अँड बेव्हरेजेस) आणि ऑटोमोबाईल उद्योगांवर विशेष लक्ष केंद्रित करण्यात आले आहे. हे लक्ष केझाड ग्रुपच्या उद्दिष्टांशी पूर्णपणे सुसंगत आहे. केझाड ग्रुप आपल्या आधुनिक औद्योगिक इकोसिस्टमच्या माध्यमातून या प्राधान्य क्षेत्रांमध्ये वाढ घडवून आणण्यासाठी काम करत आहे.

केझाड ग्रुपच्या औद्योगिक परिसंस्था प्रगत उत्पादन आणि वितरण पायाभूत सुविधांच्या माध्यमातून नवकल्पनांना चालना देण्यासाठी आणि उद्योगांचा विस्तार वेगाने करण्यासाठी उभारण्यात आल्या आहे. केझाडचे अन्न व पेय (फूड अँड बेव्हरेजेस) औद्योगिक क्षेत्र हे मध्य पूर्व, युरोप, आफ्रिका आणि आग्नेय आशिया येथील वेगाने वाढणाऱ्या बाजारपेठांसाठी अन्न प्रक्रिया, साठवणूक आणि वितरणाचे महत्त्वाचे केंद्र म्हणून विकसित होत आहे. तसेच ऑटोमोबाईल औद्योगिक क्षेत्र वाहन उत्पादक, सुटे भाग पुरवठादार, वितरक आणि लॉजिस्टिक सेवा देणारे पुरवठादार यांच्यात समन्वय वाढवणारे अनुकूल वातावरण उपलब्ध करून देते, ज्यामुळे त्यांना जागतिक आणि प्रादेशिक बाजारपेठांमध्ये सहज प्रवेश मिळतो.

प्रमुख बंदरे, विमानतळे आणि व्यापारी मार्गांशी जोडलेल्या योग्य ठिकाणी असलेल्या औद्योगिक क्षेत्रांमुळे, विविध उद्योगांना मदत करणाऱ्या क्षेत्र-केंद्रित सुविधा आणि उद्योगांसाठी अनुकूल वातावरण यांच्या माध्यमातून केझाड ग्रुप अबू धाबीच्या आर्थिक क्षेत्रांमधून जागतिक स्तरावर विस्तार करू इच्छिणाऱ्या भारतीय उद्योगांना दीर्घकालीन वाढीच्या संधी उपलब्ध करून देत आहे.