पुणे : बिबवेवाडी पोलिसांनी परिसरात दहशत निर्माण करणाऱ्या सराईत गुन्हेगाराला अटक करत मोठी कारवाई केली आहे. संबंधित आरोपी तडीपार असतानाही पुन्हा पुण्यात येऊन गुन्हेगारी कृत्ये करत असल्याची माहिती पोलिसांना मिळाली होती.
मिळालेल्या माहितीनुसार, आरोपीवर यापूर्वी गंभीर स्वरूपाचे गुन्हे दाखल असून त्याला दोन वर्षांसाठी तडीपार करण्यात आले होते. मात्र आदेशाचे उल्लंघन करून तो बिबवेवाडी परिसरात वावरत होता. या दरम्यान तो हातात धारदार शस्त्र घेऊन परिसरात फिरत दहशत निर्माण करत असल्याचे समोर आले.
पोलिसांनी तत्काळ सापळा रचून आरोपीला ताब्यात घेतले. अटकेदरम्यान त्याच्याकडून धारदार शस्त्र जप्त करण्यात आले असून पुढील तपास सुरू आहे.ही कारवाई वरिष्ठ अधिकाऱ्यांच्या मार्गदर्शनाखाली बिबवेवाडी पोलिस स्टेशनच्या पथकाने केली. पोलिसांच्या या कारवाईमुळे परिसरातील नागरिकांमध्ये दिलासा व्यक्त केला जात आहे.
